नंदुरबारात शहरालगत असलेल्या विमल हौसिंग सोसायटीच्या टेकडी जवळ मुलींचे शासकीय वसतिगृह आहे. याच टेकडीच्या दुसऱ्या बाजूला शासकीय कृषी महाविद्यालयाच्या मुलींचे वसतिगृह आहे. विमल हाऊसिंग सोसायटीच्या टेकडी जवळ असलेल्या शासकीय आदिवासी मुलींचे वस्तीगृह आहे. त्या ठिकाणी रात्री दोन वाजेच्या सुमारास 40 ते 45 वर्षीय अज्ञात इसमाने प्रवेश करीत तो एका रूम मध्ये आत शिरला तेथे वीस वर्षीय युवती झोपली असताना तिच्या बेडवर जाऊन तो बसला.
Nandurbar NCP Sharad Pawar : शरद पवारांच्या राष्ट्रवादीतील अंतर्गत वाद चव्हाट्यावर, मेळाव्यात प्रदेशाध्यक्षांसमोर वातावरण टाईट; काय घडलं?
ती युवती दचकून जागी झाली. त्यावेळी तिचे तोंड दाबत गप्प करण्याचा प्रयत्न करीत मी वरून आलो आहे असे सांगितले. त्या मुलीने आरडाओरड केल्याने त्या ठिकाणी मुली जमा झाल्याने तो इसम तेथून फरार झाला. त्याच दरम्यान मुलींनी गृहपालाला सांगितले की, एका तासापूर्वी एका व्यक्तीला बाथरूम मध्ये आंघोळ करताना पाहिले. मात्र घाबरून आम्ही झोपी गेल्याचे सांगितल्याने या घटनेचे गांभीर्य वाढले आहे. याप्रकरणी वसतीगृहाचे गृहपाल शिरीन गबु तडवी यांनी नंदुरबार शहर पोलिस ठाण्यात फिर्याद दिली आहे. त्यानुसार अनोळखीविरुद्ध भा.न्या.सं.चे कलम ७४, ३३१ (२) (४) प्रमाणे गुन्हा दाखल करण्यात आला आहे. तपास पोना. मंजू अहिरराव करीत आहेत.
Nandurbar Crime : नंदुरबारमध्ये पोलिसांची धडक कारवाई, राज्यात बंदी असलेला माल पकडला; मुख्य सूत्रधार मात्र पडद्याआड
आदिवासींच्या शासकीय मुलींच्या वस्तीगृहात धक्कादायक घटना घडली आहे. त्यामुळे वस्तीगृहातील विद्यार्थिनी किती सुरक्षित आहे असा सवाल करण्यात येत आहे. सुरक्षा असताना तोही समाजात आलाच कसा असा प्रश्न निर्माण होत आहे. या ठिकाणची सुरक्षा वाढवावी अशी मागणी पालकांतर्फे करण्यात येत आहे.