मुंबईमध्ये सोमवारपासून पावसाचा जोर कमी झाला. सांताक्रूझ येथे मंगळवार आणि बुधवारी दोन्ही दिवशी सांताक्रूझ येथे शून्य मिलीमीटर पावसाची नोंद झाली. तर कुलाबा येथे शनिवारपर्यंत चार दिवस शून्य मिलीमीटर पाऊस नोंदवला गेला. पावसाने उसंत घेतली असे वाटत असतानाच शनिवारी दहिसर, बोरिवली येथे तास-दीड तास पावसाने जोरदार हजेरी लावली. बोरिवली अग्निशमन दल केंद्र येथे अवघ्या दीड तासात ६८.२ मिलीमीटर पावसाची नोंद झाली. तर प्रबोधनकार ठाकरे नाट्यसंकुल येथे ३४.८ मिलीमीटर पाऊस नोंदवला गेला.
Trauma Hospital Mumbai: ट्रॉमा रुग्णालय ‘ट्रॉमा’त; रुग्णव्यवस्थेचे तीनतेरा, कर्मचाऱ्यांचे वेतन थकले
मुंबईत सांताक्रूझ केंद्रावर ०.१ मिलीमीटर पाऊस नोंदला गेला. तर, कुलाबा केंद्रावर पावसाची अजिबात नोंद झाली नाही. सप्टेंबरच्या पहिल्या १३ दिवसांमध्ये कुलाबा केंद्रावर जेमतेम ४१.२ मिलीमीटर पाऊस नोंदला गेला आहे. तर, सांताक्रूझ येथे १३३.१ मिलीमीटर पावसाची नोंद झाली आहे. मुंबईमध्ये पावसाळी वातावरण निर्माण झाल्याने मुंबईच्या तापमानाचा पारा ३० अंशांच्या खाली उतरला आहे.
Weather Update: मान्सूनचा १५ सप्टेंबरपासून परतीचा प्रवास; आगामी 3 दिवस राज्यात सर्वदूर पावसाची शक्यता, काय सांगतो IMDचा अंदाज
राज्यभरात उत्तर मध्य महाराष्ट्र, दक्षिण मध्य महाराष्ट्र येथे तसेच मराठवाडा आणि विदर्भातील बहुतांश जिल्ह्यांमध्ये रविवारी आणि सोमवारीही मेघगर्जनेसह पावसाची शक्यता आहे. राज्यात बहुतांश ठिकाणी हलक्या ते मध्यम स्वरुपाचा पाऊस असेल तरी मेघगर्जनांसह पाऊस पडण्याचा अंदाज असल्याने भारतीय हवामान विभागाने सावधगिरीचा इशारा दिला आहे.