पिस्तूलने खुलेआम धडाधड गोळ्या झाडल्या

गंज पेठ परिसरातील एका तरुणाने गावठी पिस्तूल घेऊन खुलेआम गोळ्या झाडल्या आणि त्या गोळीबाराचा व्हिडिओ टिपून थेट आपल्या सोशल मीडिया अकाउंटवर अपलोड केला. संबंधित व्हिडिओच्या कॅप्शनमध्ये तो ‘प्रशिक्षण घेत आहे’ असे लिहिल्याचे समोर आले आहे.
Pune Gang War: जशी आंदेकरांची हत्या, आयुष कोमकरलाही तसंच संपवलं, नऊ गोळ्यांनी शरीराची चाळण, जर्किन चिंधड्या-चिंधड्या झालं

घटनेची गंभीरता लक्षात घेत तात्काळ कारवाईचे आदेश

या प्रकरणाबाबत पुणे गुन्हे शाखा पथक – एकचे अमलदार उमेश मठपती यांना माहिती मिळाली. त्यांनी तात्काळ वरिष्ठ निरीक्षक कुमार घाडगे यांना कळवले. घटनेची गंभीरता लक्षात घेऊन अंमलदारांना तात्काळ कारवाई करण्याचे आदेश देण्यात आले.

आरोपीला अटक करण्यात आली आहे

त्यामुळे, पुण्यातील गंज पेठ येथील सावधान मित्र मंडळाच्या मागे, सार्वजनिक शौचालयाजवळ अर्थव उर्फ दुर्गेश अवघडे (वय 21, रा. सावधान मित्र मंडळ, गंज पेठ, 633) याला अटक करण्यात आली. त्याच्याकडून 26,000 रुपये किमतीचे गावठी बनावट पिस्तूल आणि सहा जिवंत काडतुसे जप्त करण्यात आली. या प्रकरणी खडक पोलीस स्टेशनमध्ये गुन्हा दाखल करण्यात आला आहे.

पुण्यात वाढती गुन्हेगारी

पुण्यात घडणाऱ्या घटनांची गंभीरता पाहता, टोळी युद्धामुळे युवा पिढी या गुन्हेगारीच्या भोवऱ्यात अडकत चालली आहे. याचं एक उदाहरण म्हणजे हा व्हायरल झालेला व्हिडिओ. गंभीर घटना घडण्याआधी पोलिसांनी संबंधित तरुणाला पकडले, हे निश्चितच योग्य पाऊल आहे; मात्र वाढणारा हा लोभ, ही गुन्हेगारी प्रवृत्ती कशी रोखायची, हे पुणे पोलिसांसमोरचं मोठं आव्हान बनलं आहे.