मुंबईतील चौपाटी, कृत्रिम तलावांच्या ठिकाणी करण्यात आलेले नियोजन, मुंबई पोलिस दलासह अन्य शासकीय, निमशासकीय यंत्रणांचे सहकार्य तसेच सर्व सार्वजनिक गणेशोत्सव मंडळ आदींच्या सहकार्यामुळे अनंत चतुर्दशीला विसर्जन सोहळा निर्विघ्नपणे पार पडला. यंदाच्या गणेशोत्सवात एकूण १ लाख ९४ हजार २९१ मूर्तीचे विसर्जन करण्यात आले. यामध्ये १ लाख ८१ हजार ३७५ घरगुती गणपती मूर्तीचे विसर्जन करण्यात आले. यंदा घरगुती आणि सार्वजनिक गणेशोत्सव मंडळांनीही कृत्रिम तलावांना प्राधान्य दिल्याची माहिती मुंबई महापालिकेने दिली.
मुख्यमंत्र्यांच्या ‘त्या’ जाहिरातीवरुन उलटसुलट चर्चा; पण एकनाथ शिंदे सारवासारव, म्हणाले…
उच्च न्यायालयाने दिलेले निर्देश, राज्य सरकारच्या सूचना, महाराष्ट्र प्रदूषण नियंत्रण मंडळाची मार्गदर्शक तत्त्वे याअनुषंगाने मुंबई महापालिकेने यंदा गणेशोत्सवाचे आगमन-विसर्जनाचे नियोजन केले. विसर्जन सोहळ्यासाठी दहा हजारपेक्षा जास्त महापालिका अधिकारी, कर्मचारी, कामगार अविरतपणे कार्यरत होते. लहान मूर्ती विसर्जनासाठी ६६ जर्मन तराफे, चौपाट्यांवर वाहने अडकू नयेत यासाठी १२०० हून अधिक स्टील प्लेट, २ हजार १७८ जीवरक्षक, मोटरबोटी, निर्माल्य कलश, निर्माल्य वाहने, नियंत्रण कक्ष, सुरक्षा रक्षक आदी सुविधा यावेळी मुंबई महापालिकेकडून देण्यात आल्या. गणेशोत्सवादरम्यान निर्माल्यांचे संकलन करण्यासाठी महापालिकेच्या घनकचरा व्यवस्थापन विभागाकडून प्रयत्न करण्यात आले. निर्माल्य संकलित केल्यानंतर त्यावर प्रक्रिया करण्यात येते.

विसर्जनाची माहिती
दीड दिवस ६० हजार ४३४ मूर्ती
पाच दिवस ४० हजार २३० मूर्ती
सात दिवस ५९ हजार ७०४ मूर्ती
अकरा दिवस ३३ हजार ९२३ मूर्ती
एकूण : १ लाख ९४ हजार २९१
(अनंत चतुर्दशीला विसर्जन झालेल्या एकूण गणेशमूर्तीची आकडेवारी ही रविवारी सायंकाळनंतरची आकडेवारी आहे.)
मुंबईत शॉर्टसर्किटमुळे २३ मजली इमारतीला भीषण आग; गुदमरुन 80 वर्षीय महिलेचा मृत्यू, 19 जण जखमी
भक्तांची कृत्रिम तलावांना पसंती
यंदा गणेशोत्सवात एकूण १ लाख ९४ हजार २९१ मूर्तीचे विसर्जन करण्यात आले आहे. यामध्ये १ लाख ८१ हजार ३७५ घरगुती तर उर्वरित सार्वजनिक गणेशमूर्ती तसेच गौरी आणि हरतालिका मिळून ५ हजार ५९१ मूर्ती समाविष्ट आहेत. महापालिकेने पर्यावरणपूरक गणेशोत्सवासाठी विविध उपाययोजना हाती घेतल्या होत्या. या उपाययोजना अंमलात आणण्यासाठी महापालिकेकडून व्यापक जनजागृती करण्यात आली होती. त्यामुळे अनेकांनी कृत्रिम तलावांनाही पसंती दिल्याचे महापालिकेकडून स्पष्ट करण्यात आले.

३३ हजार ९२३ गणेशमूर्तीचे विसर्जन
अनंत चतुर्दशीला एकूण ३३ हजार९२३ गणेशमूर्तीचे विसर्जन झाले. यामध्ये कृत्रिम तलावात ३० हजार ६३० आणि ३ हजार २९३ मूर्तीची नैसर्गिकस्थळी विसर्जन करण्यात आल्या. यापैकी सहा फुटांपेक्षा जास्त उंचीच्या ३ हजार २७३ पीओपी मूर्तीचे विसर्जन नैसर्गिकस्थळी करण्यात आले. तर २३ हजार ७२४ मूर्तीचे आणि पर्यावरणपूरक २० मूर्तीचे विसर्जन नैसर्गिक आणि कृत्रिम तलावात झाल्याची माहिती मुंबई महापालिकेने दिली.