हा व्हिडीओ @thelogicalindian या इन्स्टाग्राम पेजवरून शेअर करण्यात आला आहे. या व्हिडीओमध्ये तुम्ही पाहू शकता की तो मुलगा फार फार तर चार ते पाच वर्षांचा दिसतो. त्याच्या घरात पाणी शिरले आहे. घरातील वस्तू वाहून गेल्या आहेत. खायला अन्न नाही, प्यायला पाणी नाही. अशा स्थितीत तो अडकलेला आहे. अशा वेळी पैसे पाहून कोणाचेही डोळे चमकतील. पण त्या मुलाने पैशांना हात लावला नाही; फक्त पाण्याची बाटली घेतली. तेवढ्यात पाठीमागून त्याची बहिण आली. तिनेही पैसे घेण्यास साफ नकार दिला. खरं तर ही मुलं फार लहान आहेत, पण इतक्या लहान वयात त्यांनी दाखवलेला स्वाभिमान पाहून स्वयंसेवकही हैराण झाले. आणि त्यांच्या डोळ्यांत नकळत अश्रू तरळले.
(फोटो सौजन्य – thelogicalindian/Instagram)

हा व्हिडीओ १ लाख ७६ हजारांहून अधिक वेळा पाहिला गेला आहे. शिवाय अनेकांनी त्यावर विविध प्रकारच्या प्रतिक्रिया देत त्या मुलाचं कौतुकही केलं आहे. कोणी त्या मुलांच्या आई-वडिलांचं कौतुक करत आहे, कारण त्यांनी मुलांवर खूप चांगले संस्कार केले आहेत. तर कोणी पैसे न देता फक्त खाण्यापिण्याच्या वस्तू किंवा गरजेच्या वस्तू देण्याचा सल्ला स्वयंसेवकांना देत आहे. असो, या प्रकरणी तुमचं मत काय आहे? तुम्हीही आपल्या प्रतिक्रिया जरूर द्या.