बदनापूर तालुक्यातील दावलवाडी येथे दि 05/9/2025 रोजी पोलीस उपनिरीक्षक संतोष कुकलारे पोलीस ठाणे बदनापूर हे नाईट गस्त दरम्यान पोस्टे बदनापूर हद्दीमध्ये पेट्रोलिंग करत असताना त्यांना माहिती मिळाली की दावलवाडी गावांमधील हरी बाबुराव जोगदंड यांचे मुलीने गळफास घेतला आहे अशा माहितीवरून पोउपनि संतोष कुकलारे हे पोलीस स्टाफ सह घटनास्थळी जाऊन पाहणी केली असता त्यांना दिसून आले की, सदर मुलीने आत्महत्या केली नसून काहीतरी घातपात झाला आहे.
Jalna News: धावत्या स्लीपर बसमध्ये जळाल्याचा वास, सीट नंबर 12 वर पाहताच प्रवाशांमध्ये गोंधळ, जालना हादरलं
यावरून एम. टी. सुरवसे, पोलिस निरीक्षक पोलिस स्टेशन बदनापूर यांनी तत्काळ सूत्र हाती घेऊन खोलात जाऊन तपास केला असता, मुलीने इच्छेविरुद्ध एका मुलासोबत प्रेमप्रकरण असल्याने समाजात अपमान झाल्याने बापानेच स्वतः चे मुलीचा गळा दाबून खून केल्याचे निष्पन्न झाले आहे. खून लपवण्यासाठी तिच्या गळ्याला दोरी बांधून लोखंडी अंगलला लटकवले होते, संबंधित मुलीचे प्रेत बदनापूर ग्रामीण रुग्णालय येथे घेऊन जाऊन त्याची शवविच्छेदन केले असता त्यामध्ये मुलीचे गळा दाबून खून केल्याचे दिसून आले. पोलीस निरीक्षक सुरवसे यानी प्राथमिक चौकशी केली असता सदर मुलीचे वडील हरी बाबुराव जोगदंड यांनी मुलीच्या प्रेम प्रकरणातून सदर मुलीचा गळा दाबून खून केल्याचे निष्पन्न झाले. लगेच आरोपीस ताब्यात घेउन पोस्ट बदनापूर येथे खुनाचा गुन्हा दाखल करून पुढील तपास एपीआय करेवार करत आहेत.