शनिवारी सायंकाळी गावातील सार्वजनिक मंडळातील गणरायाचं विसर्जन करण्यासाठी काही तरुण आसना नदीवर गेले होते. गावापासून आसना नदी काही अंतरावर आहे. बालाजी उबाळे, योगेश उबाळे आणि शैलेश इरबाजी उबाळे हे देखील विसर्जनासाठी गेले होते. तिघे जण नदीत उतरले. यावेळी एकाचा पाय घसरला आणि एकमेकांना पकडण्याच्या नादात तिघे जण नदीत बुडत होते. यावेळी नदी घाटावर असलेल्या तरुणांना शैलेश उबाळे याला वाचवण्यात यश आलं, मात्र दोघे जण पाण्याच्या प्रवाहात वाहून गेले.
तरुण दोन दिवसांपासून बेपत्ता, नंतर नदीत बॉडी आढळली, घटनेने छत्रपती संभाजीनगरमध्ये खळबळ, काय घडलं?
घटनेची माहिती प्रशासनाला देण्यात आली. एसडीआरएफ पथक, महसूल पथक आणि ग्रामीण पोलीस ठाण्याचे अधिकारी यांनी घटनास्थळी धाव घेतली. अंधार असल्याने शोध काही लागला नाही. रात्री उशिरा पर्यंत शोध मोहीम सुरूच होती. मृत बालाजी उबाळे हा मोटार सायकल मेकॅनिक होता, तर योगेश हा कापड दुकानात काम करत होता. दोघांसाठी शनिवारचा दिवस जीवघेणा ठरला. या घटनेने गावात शोककळा पसरली आहे.

विसर्जना दरम्यान गावातील दोन तरुण नदीत बुडाल्याची माहिती मिळाल्यानंतर नांदेड दक्षिण मतदार संघांचे शिवसेनेचे आमदार आनंद बोढारकर यांनी घटनास्थळी भेट दिली. यावेळी त्यांनी घटनेची माहिती देखील घेतली. त्यांनी घटनेबाबत दुःख व्यक्त केलं.