मृताचा मोठा भाऊ अशोक यांनी या प्रकरणी तक्रार दाखल केली होती. पोलिस ांनी मारेकरी अमित लवकुश मिश्रा (33, रा. पथ्रोट) याच्यासह 38 वर्षीय महिलेला अटक करून त्यांना बुधवारी न्यायालयात हजर केलं. दोघांनाही एका दिवसाची पोलिस कोठडी सुनावण्यात आली आहे. व्यवसायाने चालक असलेल्या अरविंदचा प्रेमविवाह झाला होता. तो पत्नी व दोन मुलांसमवेत झेंडा चौक परिसरात भाड्याने राहत होता. मंघळवारी रोजी रात्री फिर्यादी अशोक हे परतवाडा येथे असताना त्यांना भाचा अनिलने त्यांना फोन केला. अरविंद मामा व मामी यांच्यात अमित मिश्रा याच्याशी असलेल्या प्रेमसंबंधामुळे भांडण झालं आणि त्यांची हत्या झाल्याचं अनिलने फोनवरून सांगितलं. त्या दोघांनीच अरविंदला मारून टाकल्याचं अशोक सुरत्ने यांनी पोलिसांना दिलेल्या फिर्यादीत सांगितलं आहे. लाकडी हत्यारानं अरविंदच्या चेहऱ्यावर वार करण्यात आले आणि त्यातच त्याचा मृत्यू झाला आहे. दरम्यान, महिलेनं पतीला झोपेच्या गोळ्या दिल्या होत्या, अशीही माहिती समोर आली आहे.

Buldhana News: अज्ञात वाहनाची जोरदार धडक अन् अनर्थ घडला, तरुणाचा अंत, दोन महिन्यांनी होणार होतं लग्न

मंगळवारी रात्री कडाक्याचं भांडण

अरविंद यांना 7 व 5 वर्षांची दोन मुले आहेत. त्यांना आपल्या पत्नीच्या प्रेमसंबंधांची कुणकुण लागली होती. दोन दिवसांपूर्वी अरविंद यांच्या घरचे गॅस सिलिंडर संपले होते. त्यावेळी पत्नीच्या प्रियकराने म्हणजेज आरोपी अमितने ते भरून आणले होते. ती गोष्टी अरविंद यांना समजल्यानंतर त्यांनी पत्नीला याबाबत जाब विचारला. आरोपीने आणून दिलेल्या सिलिंडरमुळे त्यांच्यातील वाद अधिक वाढला. २ सप्टेंबरला रात्री अरविंद व त्यांच्या पत्नीत कडाक्याचे भांडण झालं. ती बाब तिने आरोपीला सांगितली. आरोपी प्रियकर अरविंदच्या घरी पोहोचला. दोघांनी मिळून अरविंदचा खून केला. अरविंद यांची पत्नी आरोपीकडे स्वयंपाकाचे काम करायची. आरोपी अविवाहित आहे.