मराठा आंदोलक मनोज जरांगेंच्या मागण्या मान्य करत शासनाने हैदराबाद गॅझेटियरचा…शासन आदेश जारी केला असून मराठा समाजाने आपलं आंदोलन मागे घेतलं. मनोज जरांगे पाटील यांनी उपोषण सोडल्यानंतर आझाद मैदानावर एकच जल्लोष झाला. दुसरीकडे शासनाच्या या जीआरमुळे ओबीसी समाज नाराज झाला असून…ओबीसींमधून मराठ्यांना आरक्षण देण्यात येत असल्याचं काहींचं म्हणणं आहे.दरम्यान यावर मंत्री पंकजा मुंडे यांनी पहिली प्रतिक्रिया दिली आहे. त्या म्हणाल्या, ओबीसींची समिती गठित केली असून ओबीसींवर अन्याय होणार नाही. आर्थिक मागासलेपण आणि सामाजिक मागासलेपण हे दोन वेगळे विषय आहेत. आज पंकजा मुंडे यांनी पुण्यातील गणपती मंडळांना भेट दिली, आरतीही केली.