वागळे इस्टेट परिसरात राहणारे तक्रारदार शंकर वरठे (वय 52), त्यांचा मामेभाऊ बाबू, मित्र वसंत टोकरे, विठ्ठल गायकर (वय 45) मंगळवारी रात्री गणपती बघत शांतीनगर येथून रोड नंबर 22 याठिकाणी आले. त्यावेळी शंकर आणि विठ्ठल सिगारेट आणण्यासाठी रस्ता ओलांडून जात होते. तितक्यात मागून जोरजोरात भांडणाचा आवाज ऐकू आल्याने मागे वळून बघताच त्यांना संतोष पवार हा वसंत याला मारहाण करत असल्याचं दिसलं. त्यामुळे शंकर आणि बाबू भांडण सोडवण्यासाठी गेल्यानंतर महेश पवार याने बाबूच्या तोंडावर एक बुक्का मारला. हा प्रकार बघून वसंत तेथून निघून गेला.

प्रेमसंबंधाला विरोध म्हणून गर्लफ्रेंडच्या काकाला संपवलं, तुरुंगातून बाहेर आल्यावर तरुणीला संपवलं; नेमकं प्रकरण काय? रायगडमध्ये खळबळ

बाबू पोलिस ठाण्यात तक्रार करण्यासाठी गेल्यानंतर चारचाकी गाडीत चालक सीटवर संतोष बसला. त्याचा लहान भाऊ महेश गाडीमध्ये पाठीमागील सीटवर बसला होता. त्यानंतर संतोषने जोरात गाडी चालवत समोर उभ्या असलेल्या विठ्ठल याला धडक दिली. या धडकेनंतर त्याने खाली पडलेल्या विठ्ठलच्या अंगावर दोन ते तीन वेळा गाडी घेऊन जात त्याला चिरडले. मित्राला वाचवण्यासाठी गेलेल्या शंकर यांच्या अंगावरही संतोषने गाडी घातली. खाली पडलेल्या शंकर हेही जखमी झाले आहेत. कोणीतरी पोलिसांना कळवल्यानंतर पोलिस घटनास्थळी दाखल झाले. रक्ताच्या थारोळ्यात पडलेल्या विठ्ठल याला तातडीने टेम्पोतून सिव्हिल रुग्णालयात नेण्यात आले. डॉक्टरांनी तपासून विठ्ठल याचा मृत्यू झाल्याचे घोषित केलं. रुग्णालयात उपचार घेतल्यानंतर शंकर यांनी श्रीनगर पोलिस ठाण्यात तक्रार दिली. या तक्रारीनंतर संतोष पवार, महेश पवार, अमित पवार, महेश पाटील या चौघांविरुद्ध हत्या, हत्येचा प्रयत्न आदी विविध कलमातंर्गत गुन्हा दाखल झाला आहे.

ओबीसींच्या नाराजीचा धसका: मंत्रिमंडळ बैठकीत मोठा निर्णय, आजच GR काढणार; डॅमेज कंट्रोलचा प्रयत्न?

यापूर्वीही मारहाण

वरठे यांच्या तक्रारीनुसार ते राहत असलेल्या परिसरा आरोपी संतोष पवार कुटुंबासह राहतो. 2021 मध्ये वनविभागाच्या जमिनीमध्ये वरठे कुटुंबिय भाजीपाल्याचे उत्पादन घेत होते. ही जमीन देण्याच्या कारणावरुन झालेल्या मारहाणीप्रकरणी संतोषविरुद्ध श्रीनगर पोलिस ठाण्यात गुन्हा दाखल झाला होता. पुन्हा याच कारणावरुन वरठे यांच्या मामेभावासही त्याने मारहाण केली होती. त्यावेळी संतोष विरुद्ध गुन्हा दाखल झाला होता. या गुन्ह्यात जामिनावर सुटलेल्या संतोषविरुद्ध तडीपारीची कारवाई करण्यात आली होती. अधूनमधून तो येत असल्याचे तक्रारीमध्ये नमूद आहे.