Dhule Accident Police Officer Dies : राज्यात दिवसेंदिवस अपघातांचं प्रमाण वाढत चाललं आहे. अशातच धुळे जिल्ह्यात एक हृदयद्रावक घटना घडली आहे. येथे एक भीषण अपघात झाला आहे. या अपघातात एका पोलीस कर्मचाऱ्याचा मृत्यू झाला आहे. या घटनेनं परिसरात एक खळबळ उडाली आहे.
मिळालेल्या माहितीनुसार, महामार्ग पोलिसांची व्हॅन क्रमांक एमएच 18 बीएक्स 0232 ही आज दुपारी एक वाजेच्या सुमारास दहिवद शिवारातून जात असताना कारखान्याजवळ भारत पेट्रोल पंपासमोर अचानक व्हॅनचा टायर फुटला. यामुळे व्हॅनवरील चालकाचं नियंत्रण सुटल्यानं व्हॅन दोन-तीनदा पलटी होऊन हा अपघात झाला. या अपघातात पोलीस कर्मचारी नवलसिंग हवल्या वसावे (वय २९, रा. नंदुरबार) हे जागीच ठार झाले. तर त्यांच्यासोबत असलेले कर्मचारी प्रकाश राजाराम जाधव आणि अनिल अण्णा पारधी हे जखमी झाले.
Manoj Jarange Patil : ‘कटुता दूर झाली नाही, नाराजी तशीच राहिली’, मनोज जरांगे यांची उपोषण सोडतानाची खंत
अपघातानंतर स्थानिक नागरिकांनी घटनास्थळी गर्दी केली होती. तिघा अपघातग्रस्तांना तातडीने शिरपूर येथील खासगी रुग्णालयात दाखल करण्यात आलं. जखमी असलेले प्रकाश जाधव आणि अनिल पारधी यांना आयसीयूमध्ये दाखल करण्यात आलं असून त्यांची प्रकृती ठिक असल्याचं सांगण्यात आलं आहे. दरम्यान, सदर वाहन हे मयत पोलीस कर्मचारी नवलसिंग वसावे हे चालवत होते.
लेखकाबद्दलप्रशांत पाटीलप्रशांत संजय पाटील २०१९ पासून डिजिटल मीडियात कार्यरत असून सध्या मटा ऑनलाइनमध्ये सिनीयर डिजिटल कंटेंट प्रोड्युसर म्हणून जबाबदारी सांभाळत असताना राज्यभरातील ग्रामीण भागातील बातम्या, राजकीय बातम्यांची आवड, हायपरलोकल बातम्या, क्राइम बातम्या अर्थात विशेष घडामोडींचा विश्लेषणात्मक आढावा घेण्याचा सतत प्रयत्न असतो. गावाखेड्याकडच्या बातम्या, शेतकऱ्यांचा प्रश्न, शेती आणि ग्रामीण जीवन हे जिव्हाळ्याचे विषय आहेत. यापूर्वी थोडक्यात न्यूज पोर्टल, आधान न्यूज पोर्टल, महाराष्ट्र टाइम्स डिजिटल आणि सकाळ मीडिया ग्रुप या संस्थांमध्येही कामाचा अनुभव असून पुण्यातील गरवारे महाविद्यालयातून पत्रकारितेत पदवी प्राप्त केली आहे.… आणखी वाचा