मराठा नेते मनोज जरांगे पाटील यांनी उपोषण सोडताना मुख्यमंत्री आणि दोन्ही उपमुख्यमंत्र्यांनी उपोषणस्थळी येण्याची इच्छा व्यक्त केली. पण काही कारणास्तव त्यांची ही इच्छा पूर्ण होऊ शकली नाही.
यावर विखे पाटील यांनी प्रतिक्रिया दिली. “माझी विनंती अशी आहे की, तुम्ही आता उपोषण मागे घ्या. अंमलबजावणी आपण सुरु केली की, मुख्यमंत्री आणि दोन्ही उपमुख्यमंत्री यांची भेट घडून आणू”, असं राधाकृष्ण विखे पाटील यांनी सांगितलं. त्यावर जरांगे यांनी “नंतर मी जवळ येऊ देत नसतो. सर्व काम तुम्ही केलं”, असं प्रत्युत्तर दिलं.
“माझं पूर्ण ऐकूण घ्या. आपल्या म्हणण्याप्रमाणे सगळे जीआर तुम्हाला दिलेले आहेत. निर्णय केले, निर्णय प्रक्रिया सुरु केली, मुख्यमंत्री देवेंद्र फडणवीस यांनी खरंच फार प्रयत्न केले. त्यांनी मला अध्यक्ष केलं, त्यामुळे मला हे करता आलं. त्यामुळे मी त्यांचा अत्यंत आभारी आहे. त्यांनी मला संधी दिली. माझ्या या गेल्या 3 दिवसांपासूनच्या प्रक्रियेत मुख्यमंत्री देवेंद्र फडणवीस सातत्याने पाठपुरावा करत आहेत. माहिती घेत आहेत, मार्गदर्शन करत आहेत. उपमुख्यमंत्री एकनाथ शिंदे, उपमुख्यमंत्री अजित पवार यांचंदेखील तेवढंच सहकार्य लाभलं. त्यामुळे आम्ही इथपर्यंत आलो जरांगे पाटील साहेब”, असं राधाकृष्ण विखे पाटील म्हणाले.
“हे अगोदर ठरलं नव्हतं. आता तीनही नेते सध्या कामा निमित्त मुंबईबाहेर आहेत. माझी विनंती अशी आहे की, आपण आता उपोषण सोडलं की, तीनही नेत्यांची पुन्हा भेटही घालून देऊ”, असं आवाहन राधाकृष्ण विखे पाटील यांनी केलं. “ते जरी आले तरी आम्ही उपोषण तुमच्याच हातानी सोडणार. त्याने मराठ्यांमध्ये त्यांच्याबद्दल असणारी नाराजी देखील निघून जाईल. त्यामुळे त्यांनी तिघांनी यावं. ते नाही आले तर ही नाराजी अशीच राहणार हे पण सांगतो”, असं जरांगे पाटील म्हणाले.
“मंत्रिमंडळाचा उपसमिचा अध्यक्ष म्हणून त्यांनी मलाच सर्व अधिकार दिले होते. मंत्रिमंडळाचे सर्व सदस्य होतो. हा मुख्यमंत्र्यांचा आणि दोन्ही उपमुख्यमंत्र्यांचा निर्णय आहे”, असं राधाकृष्ण विखे पाटील म्हणाले.
यानंतर मंत्री उदय सामंत यांनी देखील मनोज जरांगे यांची मनधरणी केली. “आम्ही जे काही निर्णय घेतो त्याबाबत मुख्यमंत्री आणि दोन्ही उपमुख्यमंत्र्यांच्या मार्गदर्शनाने घेतो. आपल्या प्रकृतीचा विचार करता आपण उपोषण मागे घ्यावं”, असं आवाहन उदय सामंत यांनी केलं.
“आमचं एवढंच म्हणणं होतं की, त्यांच्यातील आणि आमच्यातील नाराजीची कटुता दूर व्हावी. त्यांनी यावंच म्हणून मी बोलत नाही. मी कोतवालाच्या हाताने उपोषण सोडवायला बसलो आहे. एक कटुता असते. ती कमी व्हावी. नाही आले तर नाही. काही अडचण नाही”, असं मनोज जरांगे पाटील म्हणाले.
लेखकाबद्दलचेतन पाटील“चेतन पाटील हे पत्रकार आहेत. त्यांना राजकीय, सामाजिक, शैक्षणिक, मनोरंजन आणि क्रीडा अशा विविध बीटच्या बातम्या केल्याचा अनुभव आहे. चेतन पाटील यांनी दैनिक लोकमत, न्यूज 24, जय महाराष्ट्र, आपलं महानगर, न्यूज 18 लोकमत, टीव्ही 9 मराठी अशा विविध वृत्त संस्थांमध्ये काम केल्याचा अनुभव आहे. चेतन हे जवळपास 8 वर्षांपेक्षा अधिकचा काळ माध्यम क्षेत्रात कार्यरत आहेत. त्यांनी कल्याणच्या नामांकित बिर्ला महाविद्यालयातून पत्रकारितेतील पदवी शिक्षण घेतलं आहे. त्यांना पदवीचं शिक्षण घेत असताना एका पॉलिटीकल पीआर कंपनीसोबत काम करण्याचा अनुभव आहे. सध्या ते महाराष्ट्र टाइम्स ऑनलाईन येथे कार्यरत आहेत.
चेतन पाटील यांनी केलेल्या बातमीमुळे एका निराधार वृद्ध महिलेला खूप मोठी मदत झाली. याशिवाय चेतन पाटील यांनी लिहिलेल्या अनेक बातम्यांचा पॉझिटिव्ह इम्पॅक्ट पडलेला बघायला मिळाला आहे.
चेतन पाटील महाविद्यालयात शिक्षण घेत असताना त्यांच्या ‘भगतसिंग’ कवितेची निवड अखिल भारतीय मराठी साहित्य संमेलनाच्या कवीकट्टा सदरात वाचनासाठी झाली होती. चेतन पाटील यांनी नाटकातही काम केलं आहे. त्यांनी राज्य नाट्य हौशी स्पर्धेत भाग घेतलाय. त्यांनी ‘जलरंग तापी’ नाट्य संस्थेसोबत काम करत असताना ‘नटसम्राट’ नाटकात बूटपॉलिश करणाऱ्या राजाची भूमिका साकारली होती. त्यांची ही भूमिका प्रचंड भाव खाऊन गेली होती. त्यांच्या अभिनयाने प्रभावित होऊन एका प्रेक्षकाने त्यांना खांद्यावर उचलून घेत नृत्य केलं होतं.
खूप छोट्या गोष्टींमधून आनंद शोधावा, असं त्यांचं मत आहे. त्यांना पत्रकारितेसह वाचन, लेखनाची आवड आहे. चेतन पाटील यांचं आतापर्यंतचं वैयक्तिक आयुष्य खूप संघर्षमय आणि खडतर असल्यामुळे ते फार संवेदनशील आहेत. त्यामुळे संवेदनशील बातम्या हाताळताना ते अशा बातम्यांना न्याय देण्याचा पूरेपूर प्रयत्न करतात.”… आणखी वाचा