नेमकं काय घडलं?

‘सरकार जाणून बुजून आरक्षणासाठी चालढकल करत आहे. मला त्याला त्यामध्ये सहभागी व्हायचं आहे. मी घरी कसं काय बसू’, असं म्हणत त्याने विषारी औषध घेत भरत खरसाडे याने टोकाचं पाऊल उचलून आपलं जीवन संपवलं असल्याची माहिती नातेवाईकांनी दिली आहे.
मोठी बातमी: मनोज जरांगेंच्या आंदोलनाविषयी कोर्टात तातडीची सुनावणी; गणेशात्सव सुट्टी असताना विशेष खंडपीठाची स्थापना

बीडच्या खासगी रुग्णालय लोटस येते त्याच्यावर गेल्या चार दिवसापासून उपचार सुरू होते. मात्र, उपचारादरम्यान त्याचा मृत्यू झाला आहे. मराठा आरक्षणासाठी आणखी एक बळी गेला आहे, अशी खंत नातेवाईकांनी बोलून दाखवली. प्रत्येक आंदोलन, मोर्चे आणि उपोषणामध्ये भरत खरसाडे हा तरुण सहभागी असायचा. मात्र त्याला मुंबईला जाणं शक्य न झाल्यामुळे तो पुरता खचला होता, आणि याच नैराश्यामधून त्याने आपलं जीवन संपवलं. सरकारने तात्काळ निर्णय घ्यावा, अशी मागणी आता त्यांच्या कुटुंबांमधून आणि नातेवाईकांमधून होत आहे. आणखी सरकारला किती बळी घ्यायचे आहेत? असा सवाल ही उपस्थित केला जात आहे .

भरत खरसाडे हा तरुण प्रत्येक आंदोलनामध्ये सहभागी असून त्याचे आंदोलनांमधले आणि मोर्चामधले काही फोटो देखील समोर आले आहेत. त्यांच्या नातेवाईकांनी आणि कुटुंबीयांनी हळहळ व्यक्त केली आहे. ‘सरकारने तात्काळ आरक्षण द्यावं आणि आम्हाला न्याय द्यावा. त्याचबरोबर आमचा मुलगा गेला, आमचा पोटचा गोळा गेला. आम्ही करायचं काय?’ असं म्हणत आम्हाला मदत करा, अशी मागणीही नातेवाईकांनी केली आहे.

Chhatrapati Sambhajinagar : शेतात काम करताना अनर्थ, दगडाखालून अचानक साप, चावा घेतल्यानं महिलेचा मृत्यू; नातेवाईकांचा टाहो

दोन दिनसापूर्वी युवकाची आत्महत्या

दरम्यान, दोन दिवसापूर्वी आरक्षणासाठी अंबाजोगाई येथील सुगाव या गावच्या युवकाने गळफास घेतला होता. बीड जिल्ह्याच्या अंबाजोगाई तालुक्यातील सुगाव‌ या गावात ‌नितीन चव्हाण (वय 37) या युवकाने मराठा आरक्षणासाठी टोकाचं पाऊल उचलत ‌राहत्या घरी गळफास घेऊन आत्महत्या केल्याची घटना दोन दिवसापूर्वी घडली होती.