बादल रतन हिवराळे (वय 33, रा. छोटा मुरलीधर नगर) यांच्या फिर्यादीनुसार, फिर्यादी बादल हे चेंबर साफसफाईचे काम करतात. दरम्यान, फिर्यादी बादल यांना मुरलीधर नगर येथील नितीन साळवे यांचा कॉल आला. ‘हापसीची कॉलनी कबीर नगर येथे गल्लीतील चेंबर चोकअप झालं आहे. तुम्ही चोकअप क्लियर करून द्या’, असं कॉल केलेल्या नितीन साळवे यांनी सांगितलं. त्यानंतर बादल हे सहकारी मित्र घनश्याम धर्मा रोकडे याला घेऊन हापसीची गल्ली येथे गेले. यावेळी गल्लीतील नागरिक चेंबरजवळ जमलेले होते. बादल व घनश्याम यांनी चेंबर उघडलं. चेंबरच्या खाली नवजात स्त्री जातीच्या अर्भक आढळून आलं. त्यामुळे ते घाबरले.

‘सन्मान द्यायला शिका’, मनोज जरांगेंनी आपल्या आंदोलकांना खडसावलं

बादल यांनी ही माहिती तात्काळ उस्मानपुरा पोलिसांना दिली. पोलीस घटनास्थळी दाखल झाले. चेंबरमध्ये असलेलं अर्भक पोलिसांच्या मदतीने तात्काळ घाटी रुग्णालयात दाखल करण्यात आलं. यावेळी डॉक्टरांनी अर्भकाला तपासून मृत घोषित केलं. दरम्यान या प्रकरणी चेंबर स्वच्छता कामगार बादल हिवराळे यांच्या फिर्यादीवरून उस्मानपुरा पोलीस ठाण्यात अज्ञात व्यक्तीविरुद्ध गुन्हा दाखल करण्यात आला आहे. या प्रकरणाचा पुढील तपास पोलीस उपनिरीक्षक हेमंत सुपेकर हे करीत आहेत.

आझाद मैदानावर मराठा आंदोलकाला भोवळ, नेमकं काय घडलं?

एका आठवड्यात दुसरी घटना

दरम्यान, दोन दिवसांपूर्वीच पुंडलिक नगर येथे अनैतिक संबंधातून जन्मलेल्या बाळाला जन्मताच या आईने दुभाजकाच्या कचऱ्यामध्ये टाकून दिलं होतं. रस्त्याने जात असलेल्या एका व्यक्तीच्या ही बाब लक्षात आली. त्या पुतळीत टाकून दिलेल्या अर्भक बघितलं असता त्याचे कुत्र्याने लचके तोडले होते. दरम्यान, या प्रकरणी पुंडलिक नगर पोलिसांनी निर्दयी मातेला अटक केली आहे. या घटनेला एक दिवस होत नाही तोच आणखी एक अर्भक आढळल्यानं छत्रपती संभाजीनगर मध्ये एकच खळबळ उडाली आहे.