अचानक टॉवरवर चढले, पत्नी आणि गावकऱ्यांसमोरच घेतली उडी

याप्रकरणी मिळालेल्या अधिक माहितीनुसार, शंकर माटे हे टॉवरवर चढले. त्यांना टॉवरवर चढलेलं पाहून गोताळ्याच्या गावकऱ्यांमध्ये एकच खळबळ माजली. गावकऱ्यांनी आणि त्यांच्या पत्नीने त्यांना टॉवरवरुन खाली उतरण्याची अनेकवेळा विनंती केली. मात्र, त्यांनी कोणाचंही ऐकलं नाही. काहीच वेळात त्यांनी टॉवरवरून खाली उडी घेतली. टॉवरवरुन खाली पडल्याने त्यांचा जागीच मृत्यू झाला. आपल्या डोळ्यापुढे पतीने अशाप्रकारे जीवन संपवल्याने पत्नीने एकच टाहो फोडला. हे सारं पाहून गावकऱ्यांमध्येही एकच खळबळ उडाली. साऱ्यांनी एकच आरडाओरड केली.
Latur Crime: त्याला अद्दल घडव; बॉयफ्रेंडला सांगितलं, सात वर्षांच्या लेकीसमोरच पतीला संपवलं, लातुरात खळबळ

या व्यक्तीने हे टोकाचं पाऊल का उचललं याची माहिती नाही

तीन महिन्यांपूर्वी शंकर माटे यांच्या शेतात भूईमुग काढत असताना वीज पडली होती. पण, सुदैवाने त्यातून ते बचावले होते. शंकर माटे यांनी हे टोकाचं पाऊल का उचललं याचं नेमकं कारण अद्याप स्पष्ट झालेलं नाही. या घटनेची पोलिसात नोंद करण्यात आली असून सध्या पोलिस या प्रकरणाचा तपास करत आहेत.

तीन महिन्यांपूर्वी वीज पडली, तेव्हा बचावले होते

शेतामध्ये भुईमूग काढत असताना अवकाळी पावसाने हजेरी लावली. त्यावेळी शेतामध्ये वीज पडली मात्र शंकर माटे यात बचावले होते. मात्र, शेवटी त्याला मृत्यूने गाठलेच. गावात असलेला टॉवरवर चढून शंकर माटे यांनी आपल्या आयुष्याची अखेर केल्याची घटना समोर आली आहे. अद्यापपर्यंत त्यांच्या या निर्णयाचं कारण स्पष्ट होऊ शकलेलं नाही. याबाबत अधिक तपास पोलिस करत आहेत.