दीपक दत्ता कांबळे, वय २२, असे खून झालेल्या तरुणाचं नाव आहे. तर रवींद्र सुभाष बोर्डे, वय ३२, रा. शेंद्रा, असे खून करणाऱ्या आरोपीचे नाव आहे. या घटनेने दीपकच्या कुटुंबावर दुःखाचा डोंगर कोसळला आहे.

काय आहे प्रकरण?

या प्रकरणी अधिक माहिती अशी की, मयत दीपक कांबळे हा पैठण येथील रहिवासी आहे. त्याला आई-वडील, तीन भाऊ, दोन बहिणी असा परिवार आहे. तो मजुरीसाठी शहरात आला. गेवराई तांडा येथील शिवकृपा कॉलनीत तो भाड्याच्या खोलीत राहत होता.

याच दरम्यान खांडेवाडी रोडवर असलेल्या वाणी यांच्या खानावळीत तो जात होता. तिथे दीपकची ओळख आरोपी रवींद्रसोबत झाली. गुरुवारी रात्री अकरा वाजताच्या सुमारास किरकोळ कारणावरून दोघांमध्ये वाद झाला. यातून रवींद्रने छोट्या चाकूने दीपकच्या छातीत वार केला. यात दीपकचा जागीच मृत्यू झाला.
Nashik Crime : कुटुंबासाठी काही करु शकलो नाही; शेवटच्या चिठ्ठीत भावनिक शब्द, 25 वर्षीय कॉम्प्युटर इंजिनिअरने आयुष्य संपवलं
घटनेची माहिती मिळताच उपविभागीय अधिकारी पूजा नागरे, चिकलठाणा पोलीस ठाण्याचे पोलीस निरीक्षक रविकिरण दरवडे हे अधिकारी कर्मचाऱ्यांसह घटनास्थळी दाखल झाले. घटनेची माहिती घेऊन तात्काळ आरोप रवींद्र बोर्डे याला अटक केली. त्यानंतर आरोपीने फेकून दिलेल्या चाकू पोलिसांच्या श्वानाने शोधून काढला.

Virar Building Collapse : विरार इमारत दुर्घटनेप्रकरणी मोठी कारवाई, भागीदार दळवी कुटुंब गोत्यात, मुली-जावयांना अटक
दरम्यान या प्रकरणी पोलिसांनी दिलेल्या माहितीनुसार आरोपी रवींद्र बोर्डे ह्या गुन्हेगारी स्वरूपाचा आहे. त्याच्याविरुद्ध यापूर्वी विवाहितेचा छळ, त्यासोबतच बँकेशी संबंधित दोन गुन्हे दाखल आहेत. मयत दीपक कांबळे यांच्या मावस भावाच्या तक्रारीवरून चिकलठाणा पोलीस ठाण्यात गुन्हा दाखल करण्यात आला आहे पुढील तपास पोलीस करीत आहेत.