संबंधित महिला वरिष्ठ पोलिस निरीक्षकांची जुलै २०२४ मध्ये बदली होऊन पुणे शहरात नेमणूक झाली होती. जून २०२५ मध्ये त्या बंदोबस्त ड्युटीवर असताना शिवाजी रस्त्यावर त्यांचा विनयभंग झाला. त्यांनी तत्काळ वरिष्ठांना माहिती देऊन फरासखाना पोलिस ठाण्यात आरोपी प्रमोद कोंढरेविरुद्ध गुन्हा नोंदवला. या घटनेच्या पार्श्वभूमीवर अतिरिक्त आयुक्तांनी संबंधित अधिकारी महिलेला अन्य ठिकाणी बदली स्वीकारण्याचा सल्ला दिला. मात्र, त्यावर अधिकारी महिलेने ठामपणे नकार देत सांगितले, ‘मी गुन्हा दाखल केला आहे; आता बदली झाली, तर समाजात चुकीचा संदेश जाईल,’ असे सांगून त्यानंतर त्या रजेवर गेल्या.
Pune News : मनोज जरांगे शिवनेरीवर दाखल, पुण्यात वाहतूक मार्गात मोठे बदल, जिल्हाधिकाऱ्यांकडून महत्त्वाची माहिती
रजेवरून परत आल्यानंतर २१ जुलैला त्यांना वाहतूक शाखेत बदली झाल्याचा आदेश मिळाला. हा आदेश पोलिस स्थापना मंडळाच्या निर्णयानुसार घेतल्याचे सांगण्यात आले. मात्र, प्रत्यक्षात आदेश ‘मनमानी, दंडात्मक आणि महिलांच्या प्रतिष्ठेला धक्का देणारा’ असल्याचे त्यांनी न्यायाधिकरणात मांडले.
Pune News : गणेश चतुर्थीच्या मुहूर्तावर पुणेकरांसाठी आनंदाची बातमी, पुणेरी मेट्रो हिंजवडीबाहेर, कशी असणार स्थानकं?

ठळक मुद्दे

• गुन्हा दाखल केल्यानंतर
• अन्याय्य बदली आदेश
• आदेश दंडात्मक व सूडबुद्धीने घेतल्याचे वाटते
• आदेश रद्द; महिला पोलिस
• अधिकाऱ्यास मोठा दिलासा

Pune News : गणेश चतुर्थीच्या मुहूर्तावर पुणेकरांसाठी आनंदाची बातमी, पुणेरी मेट्रो हिंजवडीबाहेर, कशी असणार स्थानकं?

दोन दिवसांत काढला आदेश

महिला पोलिस निरीक्षकाच्या बदलीचा आदेश आधीच दिनांकित आहे. ‘कारणे दाखवा नोटीस’ न देता आदेश प्रसिद्ध केला गेला. निरीक्षकाच्या विरोधात अहवाल शनिवारी तयार करून दोन दिवसांतच आदेश काढला गेला. त्यांच्या शिस्तीवर कधीही कारवाई झालेली नव्हती, उलट त्यांना प्रशस्तिपत्रके व पुरस्कार मिळाले आहेत, असे त्यांनी न्यायाधिकरणात मांडले.