आठ महिन्यांतील दुसरी घटना

या घटनेमुळे परिसरात भीतीचे सावट पसरले आहे. विशेष म्हणजे, याच रस्त्यावर आठ महिन्यांपूर्वी हणमंतवाडी शिवारात एका महिलेचा मृतदेह टाकण्यात आला होता. ती मृत महिला कोण? कुठली आहे? खून कोणी केला? याबद्दल अद्याप काहीही कळू शकलेले नाही. दरम्यान पुन्हा एकदा याच भागात मृतदेह सापडल्याने नागरिकांमध्ये चर्चेला उधाण आले आहे. बॅगेत महिला असल्याच्या चर्चेमुळे घटनास्थळी लोकांची मोठी गर्दी झाली होती.घटनेची माहिती मिळताच चाकूर पोलीस, वाढवणा पोलीस स्टेशनचे अधिकारी, एलसीबी पथक तसेच मोबाईल व्हॅन पथक घटनास्थळी दाखल झाले. पोलिसांनी घटनास्थळाचा पंचनामा करून पुढील तपास सुरू केला आहे. मृतदेह कोणाचा आहे, खुनामागचं नेमकं कारण काय, याचा तपास सुरू असून या प्रकरणामुळे वाडवणा-चाकूर परिसर पुन्हा एकदा हादरला आहे.

पुण्यातून देखील हादरवून सोडणारी घटना समोर आली होती. सिंहगड किल्ल्यावर असणाऱ्या तानाजी कडा येथून चार दिवसांपूर्वी मित्रांसोबत फिरायला आलेला तरुण अचानक बेपत्ता झाला होता. गौतम गायकवाड असं या 24 वर्षीय तरुणाचं नाव आहे. लघुशंकेसाठी गेलेला गौतम बेपत्ता झाल्याने तो पाय घसरून दरीत पडला असावा, असा संशय होता. तो बेपत्ता झाल्याने त्याचे मित्र मोठ्या धक्क्यात होते. पोलिसांकडून तब्बल चार दिवस शोधमोहिम राबवण्यात आली. अखेर गौतम गायकवाडचा शोध लागला आहे. तो दरीतच जखमी अवस्थेत आढळून आला. परंतु सीसीटीव्ही फुटेजमुळे संभ्रम निर्माण झाला आहे.