दीड तोळ्याची अंगठी हरवल्याने उडाला गोंधळ
जातेगावातील प्रकाश शिंदे यांची सर्जा-राजा ही बैलजोडी परिसरात सर्वांची लाडकी आहे. पोळ्याच्या दिवशी सायंकाळी ही देखणी जोडी पार्वतीबाई व विजय शिंदे यांच्या दारी आली. पार्वतीबाई यांनी नैवेद्य दिला. मात्र, घरी आलेल्या पार्वतीबाई यांना पूजेसाठी आणलेली सोन्याची दीड तोळ्याची अंगठी हरवल्याचे लक्षात आले. शोधाशोध सुरू झाली; पण अंगठी काही सापडेना. मग तपासाची सुई सर्जाराजा कडे वळली.
Malegaon News: धक्कादायक! आधी मुलीला फेकले, नंतर पित्यानेही घेतली नदीत उडी; अनर्थ घडणार तेवढ्यात…
अखेर तपासाची चक्रे पोहोचली ‘राजा’पर्यंत
बिचाऱ्या मुक्या जनावरांना काय सोने माहिती असणार? पण बैलजोडी मालकाने व अंगठी मालकाने पशुवैद्यकीय अधिकाऱ्यांची मदत घेतली. त्यांनी बैलांच्या विष्ठेकडे लक्ष देण्यास सांगितले. मात्र, त्यातून काही निष्पन्न झाले नाही. अखेर तपासणीसाठी शनिवारी रात्री ज्या बैलांना पुरणपोळीचा नैवेद्य प्रेमाने खाऊ घातला, त्यांना दिवसभर उपाशी ठेवण्याची वेळ आली. अखेर प्रयत्नांची पराकाष्ठा करीत शस्त्रक्रिया करून अंगठी काढावी लागल्याची घटना नांदगाव तालुक्यात घडली.
शेवटी आईचं काळीज! मुलाचा दवाखान्यात मृत्यू, धक्क्याने माऊलीनेही सोडला जीव, एकत्र निघाली अंत्ययात्रा
शस्त्रक्रियेनंतर ‘राजा’च्या पोटातून काढली अंगठी
मेटल डिटेक्टरने तपासणी केल्यानंतर राजा या बैलाच्या पोटात काही तरी वस्तू असल्याचे उघड झाले. पाच तज्ज्ञ डॉक्टरांच्या टीमने शस्त्रक्रिया करून अखेर राजाच्या पोटातील तो दीड लाखाचा ऐवज बाहेर काढला.
Nashik Accident : बाईक घसरुन पडली अन् कारने चिरडलं, मित्राच्या डोळ्यादेखत 18 वर्षीय तरुणीचा मृत्यू, नाशिक हळहळलं
हिंस्र प्राण्यांकडून पशुधनाची शिकार
धुळे तालुक्यात हिंस्र प्राण्यांनी धुमाकूळ घातला असून, त्यांच्या हल्ल्यात बुरझड, आनंदखेडे, हेंदूण येथील पशुधन ठार झाले. त्यामुळे पशुपालकांचे आर्थिक नुकसान झाले. या हिंस्र प्राण्यांचा बंदोबस्त करून नुकसान झालेल्या पशुपालक शेतकऱ्यांना तातडीने नुकसानभरपाई द्यावी, अशा सूचना माजी आमदार कुणाल पाटील यांनी वन विभागाच्या अधिकाऱ्यांना केल्या आहेत.