आजवर सुमारे 4 लाख 83 हजार वाहनांपैकी केवळ 70 हजार 609 वाहनांनी नंबरप्लेट बदलण्यात रस दाखविला आहे. पनवेल आरटीओकडे असलेल्या नोंदीनुसार सुमारे चार लाख वाहनांची नंबरप्लेट बदलणे अपेक्षित असले तरी सर्वच्या सर्व वाहने आज अस्तित्वात असतील, याची शक्यताही कमी आहे. तरीही वापरात असलेल्या जुन्या वाहनांची नंबरप्लेट न बदलल्यास वायुवेग पथकाकडून कारवाई केली जाईल, असा इशारा पनवेल आरटीओने दिला आहे.

1 एप्रिल 2019 पूर्वीच्या वाहनांना एचएसआरपी बसविणे बंधनकारक करण्यात आले आहे. नवी नंबरप्लेट नसलेल्या वाहनांच्या मालकांनी वाहनांची पुनर्नोंदणी, वाहनात बदल करणे, परवाना नूतनीकरण अशी सर्व कामे थांबविण्याचे आदेश परिवहन आयुक्त विवेक भीमनवार यांनी राज्यातील सर्व प्रादेशिक व उपप्रादेशिक परिवहन कार्यालयाला दिले आहेत.

एचएसआरपी बसवण्यासाठी जानेवारी 2025 पासून वेगवेगळ्या टप्प्यांत चारवेळा मुदतवाढ देण्यात आली आहे. अनेक जुनी वाहने बाद झाली असली तरी जास्तीत जास्त वाहनांना एचएसआरपी बसविण्याचे प्रयत्न सुरू आहेत, पनवेल उपप्रादेशिक कार्यालयाच्या क्षेत्रात म्हणजेच पनवेल, कर्जत, उरण आणि खालापूर या चार तालुक्यांमध्ये 4 लाख 83 हजार 854 जुनी वाहने आहेत.
Pune News : सूसू करुन आलो; मित्रांना सांगून निघालेला गौतम सिंहगडावरुन बेपत्ताच, पण सीसीटीव्हीत ‘तो’ दिसल्याने मोठा ट्विस्ट
31 मार्च 2019 पूर्वी नोंदणी झालेल्या या सर्व वाहनांना एचएसआरपी प्लेट बसविणे बंधनकारक आहे. परंतु सर्वच्या सर्व वाहनांना वेगवेगळ्या कारणास्तव नंबरप्लेट बसविणे शक्य नसल्याचे अधिकारी सांगतात. पनवेल आरटीओत आजवर एचएसआरपी नंबरप्लेट बसविण्यासाठी 11 ऑगस्ट 2025 पर्यंत 10 लाख 6 हजार 520 वाहनमालकांनी ऑनलाइन नोंदणी केली. त्यापैकी आजवर केवळ 79 हजार 609 वाहनांनी प्रत्यक्षात नवी नंबरप्लेट बसविली. म्हणजेच लाखो वाहनचालकांनी एचएसआरपी बसविण्यात अद्यापही रस दाखवलेला नाही.

1 एप्रिल 2019 पूर्वीच्या सुमारे चार लाख वाहनांनी एचएसआरपी बसविणे अपेक्षित आहे. परंतु वाहनचालकांकडून प्रतिसाद मिळत नसल्यामुळे अवघ्या 79 हजार 609 चाहनांच्या नंबरप्लेट बदलण्यात आल्या आहेत. त्यामुळे नंबरप्लेट न बदललेल्या लाखो वाहनचालकांवर पनवेल आरटीओला कारवाई करावी लागणार आहे.
Ahilyanagar News : अजित दादांचा शिलेदार सापळ्यात अडकला, पोलिसासाठी दीड लाखांची लाच घेताना NCP नेत्याला रंगेहाथ अटक

भेटीची वेळ घेतली असल्यास कारवाई नाही

मुदतवाढ होण्यापूर्वी अनेक वाहनचालकांनी एचएसआरपीसाठी भेटीची वेळ घेतलेली आहे. परंतु अद्याप त्यांच्या नंबरप्लेट बदलण्यात आलेल्या नाहीत. त्यामुळे भेटीची वेळ असलेल्या वाहनांना कारवाईतून सूट मिळणार आहे असून अशी वेळ न घेतलेल्या वाहनांना मात्र कारवाईचा सामना करावा लागेल, असा इशारा सहाय्यक प्रादेशिक परिवहन अधिकारी नीलेश धोटे यांनी दिला आहे.