Maharashtra Politics : सकाळी साडेनऊ वाजताच्या सुमारास राज ठाकरे वर्षा बंगल्यावर गेले होते. या भेटीचं नेमकं कारण गुलदस्त्यात असून विविध तर्कवितर्कांना उधाण आलं आहे.
बेस्ट पतपेढी निवडणुकीत पराभवाचा धक्का
बेस्ट पतपेढी निवडणुकीत उद्धव ठाकरे आणि राज ठाकरे यांच्या युतीच्या उत्कर्ष पॅनेलला भोपळाही फोडता आला नाही. मुंबई महापालिका निवडणुकीच्या तोंडावर लिटमस टेस्ट म्हणून पाहिल्या गेलेल्या या निवडणुकीत सपशेल पराभव झाल्यामुळे ठाकरे बंधूंच्या युतीच्या परिणामांवर प्रश्नचिन्ह निर्माण केलं जात होतं. ठाकरे गटाचे खासदार संजय राऊत यांनी काही दिवसांपूर्वीच मनसेच्या साथीने आगामी मुंबई महापालिका निवडणुका एकत्र लढवण्याची घोषणा केली होती, अशातच राज हे फडणवीसांच्या भेटीला गेल्याने खळबळ उडाली आहे.
Vaishali Suryawanshi : ठाकरेंशी एकनिष्ठ, शिवसेनावासी भावाविरोधात विधानसभा लढवली, वैशाली सुर्यवंशींनी अचानक ‘शिवबंधन’ का सोडलं?
सकाळी साडेनऊ वाजताच्या सुमारास राज ठाकरे वर्षा बंगल्यावर गेले. या भेटीचं नेमकं कारण गुलदस्त्यात असलं, तरी तर्कवितर्कांना उधाण आलं आहे. मुंबईतील विविध प्रश्नांसह राज ठाकरे फडणवीसांची भेट घेणार असल्याचं बोललं जात आहे. मात्र बेस्ट पतपेढी निवडणुकीतील पराभवाची किनार असल्यामुळे या ‘टायमिंग’ची चर्चा होत आहे. याआधीही हिंदीसक्तीविरोधातील मोर्चाच्या तोंडावर राज ठाकरेंनी फडणवीसांची गुप्त भेट घेत खळबळ उडवून दिली होती.Mumbai News : कत्तलखाने 9 दिवस बंद राहणार नाहीत, जैन समुदायाला धक्का, कोर्ट म्हणालं, एकवेळ मुघल बादशाहला…
बेस्ट पतपेढी निवडणुकीत ठाकरे बंधूंचा पराभव, मुख्यमंत्री देवेंद्र फडणवीसांनी डिवचलं!
भाजपची राज ठाकरेंना वगळून पोस्टरबाजी
विशेष म्हणजे, भाजपने दादर येथील शिवसेना भवनासमोर पोस्टरबाजी करत उद्धव ठाकरेंना डिवचण्याचा प्रयत्न केला. ‘ठाकरे ब्रँड कोमात, स्वदेशी देवाभाऊ जोमात’ असं लिहिलेले पोस्टर सेनाभवनासमोर लावण्यात आलं होतं. या पोस्टरवर केवळ उद्धव ठाकरेंचे फोटो होते, राज ठाकरेंचा फोटो लावणं भाजपने कटाक्षाने टाळल्याने गोंधळाचं वातावरण होतं. त्यातच या भेटीमुळे ठाकरे बंधूंच्या एकीवर प्रश्नचिन्ह उपस्थित केलं जात आहे.
लेखकाबद्दलअनिश बेंद्रेअनिश सतीश बेंद्रे, महाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत आहेत. गेल्या तीन वर्षांपासून ते मटासोबत काम करत आहेत. राजकीय, गुन्हेगारी आणि मनोरंजन या विषयातील बातम्यांमध्ये त्यांचा विशेष हातखंडा आहे. ब्रेकिंग न्यूजसोबतच निवडणूक विषयक विश्लेषण करण्यात त्यांना अधिक रस आहे. त्यांनी झेविअर्स कॉलेजमधून मास कम्युनिकेशनचे पदव्युत्तर शिक्षण घेतले आहे. आतापर्यंत एबीपी माझा, टीव्ही9 मराठीसह पत्रकारिता क्षेत्रात 12 वर्षांहून अधिक काळचा अनुभव त्यांना आहे… आणखी वाचा