ओम संजय राठोड , वय 20 वर्ष, राहणार बंबाट नगर, असे मयत तरुणाचे नाव आहे. ओम हुशार विद्यार्थी होता. तो सीएची तयारी करीत होता. दहावीत त्याला 93 टक्के गुण मिळाले होते. ओम कुटुंबासह बंबाट नगर भागामध्ये राहतो. त्याची आई आणि बहीण काही दिवसांपूर्वी मामासोबत त्र्यंबकेश्वर दर्शनासाठी गेली होती. त्यामुळे वडील आणि तो दोघेच घरी होते. ओमला महाविद्यालय लांब पडत असल्याने तो जवाहर नगर भागातील काकांकडे राहत होता.

बुधवारी दुपारच्या सुमारास वडिलांसोबत तो घरातून बाहेर पडला. महाविद्यालयात चार्जर विसरल्याचं सांगून तो काकाच्या घरी आला. तिथे त्याने काकूसोबत गप्पा मारल्या. यावेळी तो तणावात आहे किंवा काही अडचण आहे, असं काहीच जाणवलं नाही. मृत्यूपूर्वी त्याने वडिलांना फोन करून ‘जेवण केले का, काळजी घ्या,’ असे सांगून फोन ठेवला होता.

थोड्या वेळाने काकू मुलाला आणण्यासाठी घराबाहेर गेली. मुलाला घेऊन माघारी परतलेल्या काकूंनी ओमला आवाज दिला. मात्र घरातून प्रतिसाद मिळाला नाही. काही वेळाने काकूंनी शेजारच्यांना ही माहिती दिली. काही करण्याच्या आत घरातून मोठा आवाज येत स्फोट झाला. यामुळे घराजवळ नागरिकांनी गर्दी केली.
Pune Crime : आधी गाण्याचं शूट, पुण्यातील 28 वर्षीय अभिनेत्रीवर रिकाम्या फ्लॅटमध्ये अत्याचार, मेसेज करुन विशाल म्हणतो…
घरात जाऊन बघितले असता ओम किचनमध्ये पेटलेल्या अवस्थेत दिसला. त्याच्या अंगावर बेडशीट टाकून लोकांनी त्याच्या शरीरावरील आग विझवण्याचा प्रयत्न केला. यात ओम गंभीररित्या भाजला गेला होता. त्याला तात्काळ घाटी रुग्णाला दाखल केले असता डॉक्टरांनी तपासून मृत घोषित केले.

घटनेची माहिती मिळताच अग्निशामक विभागाचे विजय राठोड यांच्या पथकाने तात्काळ घटनास्थळी धाव घेत आग विझवली. घराचे दरवाजे आणि खिडक्याही बंद होत्या. किचनमधील गॅस सिलिंडरचा रेग्युलेटर काढून गॅस लीक व्हावा यासाठी कात्री अडकवली होती. या आगीत घराच्या खिडक्यांचेही नुकसान झाले.
Nashik Crime : तुमची मुलगी अघोरी, लग्नानंतर मी तिला माझी… अल्पवयीन मुलीशी साखरपुडा, भोंदूबाबाचा डाव पित्याने उधळला
ही आग अजून कायम राहिली असती, तर मोठा स्फोट होऊन आसपासच्या घरांनाही नुकसान झाले असते, अशीही माहिती स्थानिकांनी दिली. या प्रकरणी जवाहरनगर पोलीस ठाण्यामध्ये आकस्मित मृत्यूची नोंद करण्यात आली असून पुढील तपास पोलीस करीत आहेत.