सुनीता भीमराव वाघमारे (वय ५०, रा. मंगलमूर्ती सोसायटी, चेहेडी शीव) आणि शीतल रामचंद्र केदार (२७, रा. नाशिकरोड) अशी मृत्युमुखी पडलेल्या मायलेकीची नावे आहेत. बुधवारी सायंकाळी उशिरा या मायलेकीची सोबतच अंत्ययात्रा काढण्याची दुर्दैवी वेळ त्यांच्या कुटुंबीयांसह नातलगांवर आली.
सन 1839 पासूनच्या शंभरावर दुर्मीळ कॅमेऱ्यांचा नाशिकमध्ये ‘खजिना’; आर्किटेक्ट काबरेंचा अनोखा संग्रह
सुनीता वाघमारे या गर्भवती मुलगी शीतल केदार हिला मंगळवारी सायंकाळी बिटको रुग्णालयात तपासणीसाठी घेऊन गेल्या होत्या. रुग्णालयातील आरोग्य तपासणीचे काम आटोपल्यावर दोघी मंगळवारी सायंकाळी सातला पायी येत असताना मुक्तिधाम चौकात त्यांना बिटको चौकाकडून देवळाली गावाकडे भरधाव जाणाऱ्या ट्रकने (एमएच ०४/ईएल ०४४६) रस्त्याच्या कडेला असलेल्या कारला (एमएच १५/जेएच १९१९) मागून धडक दिली. या धडकेनंतरही ट्रक नियंत्रित न झाल्याने कारने रिक्षाला (एमएच १५/एफयू ६०८९) ट्रकने धडक दिली. यात रिक्षाचालक खोले जखमी झाले.
गेस्ट हाउसची हौस पडली एक कोटीला! बनावट ई-स्टॅम्पद्वारे नाशिकच्या बिल्डरची फसवणूक, नेमकं प्रकरण काय?
या दोन वाहनांना धडक दिल्यानंतरही ट्रक पुढे वेगाने गेल्याने रस्ता ओलांडण्याच्या प्रयत्नात असलेल्या सुनीता वाघमारे आणि त्यांची गर्भवती मुलगी शीतल केदार यांच्यावर धडकला. यात सुनीता वाघमारे जागीच मृत्युमुखी पडल्या, तर गंभीर जखमी शीतल केदार आणि तिच्या पोटातील बाळाचा रुग्णालयात उपचारादरम्यान मृत्यू झाला. भीमराव वाघमारे यांच्या माहितीवरून नाशिक पोलिस ठाण्यात आकस्मिक मृत्यूची नोंद करण्यात आली. सुनीता वाघमारे या उड्डाणपुलाखाली भाजीपाला विक्रीचा व्यवसाय करीत होत्या. वाघमारे यांच्या मागे पती, मुलगा असा परिवार आहे, तर शीतल केदार यांच्या मागे पती आहेत. अपघातास कारणीभूत ट्रकसह चालक अशोक शेलार (वय ३४, रा. विंचूर दळवी) याला पोलिसांनी ताब्यात घेतले आहे.
Chhagan Bhujbal: नाशिकचं पालकमंत्रिपद आम्हाला मिळायला हवे, कारण…; मंत्री छगन भुजबळ स्पष्टच बोलले
दुर्गादेवीचे दर्शन ठरले अखेरचे
शीतल केदार आठ महिन्यांची गर्भवती होती. तिला नियमित आरोग्य तपासणीसाठी आई सुनीता वाघमारे बिटको रुग्णालयात घेऊन आल्या होत्या. सोनोग्राफीनंतर दोघी मायलेकी जवळच असलेल्या दुर्गादेवीच्या मंदिरात दर्शनासाठी गेल्या. दुर्गादेवीपुढे माथा टेकवून लेकीच्या आणि तिच्या बाळासाठी देवीकडे सुनीता वाघमारे यांनी आशीर्वाद मागितला. मात्र, हे दुर्गादेवीचे दर्शन मायलेकीसाठी अखेरचे ठरले.