‘ठाकरे ब्रँड कोमात, स्वदेशी देवाभाऊ जोमात’ असं लिहिलेले पोस्टर शिवसेना भवनासमोर लावण्यात आले आहेत. विशेष म्हणजे या पोस्टरवर केवळ उद्धव ठाकरे यांचे फोटो आहेत. राज ठाकरे यांचा फोटो लावणं भाजपने कटाक्षाने टाळल्याचं दिसत आहे. सेनाभवन हे ठाकरेंच्या शिवसेनेचं कार्यालय, तर तिथून मनसे अध्यक्ष राज ठाकरे यांचं ‘शिवतीर्थ’ निवासस्थानही जवळ असल्याने एका दगडात भाजपने दोन पक्षी साधले आहेत.

‘हिंदीसक्ती’च्या विरोधात शिवसेना (उबाठा) पक्षाचे प्रमुख उद्धव ठाकरे आणि मनसेप्रमुख राज ठाकरे एकत्र आल्याने ठाकरे बंधू महापालिका निवडणुकीतही एकत्र येणार का, अशी चर्चा रंगली होती. ‘ठाकरे ब्रँडला एकही जागा मिळाली नाही, हेच कामगार बांधवांनी दिलेले निर्णायक उत्तर आहे,’ अशी प्रतिक्रिया आमदार लाड यांनी दिली.
Vaishali Suryawanshi : ठाकरेंशी एकनिष्ठ, शिवसेनावासी भावाविरोधात विधानसभा लढवली, वैशाली सुर्यवंशींनी अचानक ‘शिवबंधन’ का सोडलं?

‘ब्रँडचा बँड वाजला’

‘ब्रँडचा बँड वाजविण्याचे काम जनता करीत असते. विधानसभा निवडणुकीत मतदारांनी आम्हाला पाठिंबा दिला आहे. त्यामुळे आम्ही 80 जागा लढवून 60 जागा जिंकलो. महापालिका, स्थानिक स्वराज्य संस्थांच्या निवडणुकाही महायुती प्रचंड बहुमताने जिंकेल,’ असा विश्वास त्यांनी व्यक्त केला.
Shashank Rao : …तर असेच भोपळे मिळतील, ठाकरे बंधूंना पराभवाची धूळ चारली; शशांक राव म्हणाले, मी भाजपमध्ये आहे पण…
‘बेस्ट कामगार पतपेढी निवडणुकीमध्ये राजकारण करू नये, हीच माझी भूमिका होती. ठाकरे ब्रँड निवडणून येणार असा प्रचार करून, पतपेढीच्या निवडणुकीला विरोधकांनी राजकीय रंग दिला. तरीदेखील ठाकरेंना एकही जागा जिंकता आली नाही. त्यामुळे लोकांनीच ठाकरे ब्रँडला रिजेक्ट केले,’ अशी प्रतिक्रिया मुख्यमंत्री देवेंद्र फडणवीस यांनी दिली.