कुंडमळा येथे दुर्घटना झाल्यानंतर पर्यटनस्थळांच्या ठिकाणी किती पर्यटकांना प्रवेश दिला जावा, याबाबत जिल्हाधिकारी जितेंद्र डुडी यांनी नियमावली करण्याच्या सूचना वन विभागाला दिल्या होत्या. त्यानुसार, प्रत्येक पर्यटनस्थळाची प्रवेश क्षमता किती, तेथील सध्याच्या नेमक्या सुविधा किती आहेत, याची माहिती वन विभागाकडून मागविण्यात आली होती. त्या संदर्भात जिल्हा प्रशासनाने वन विभागाच्या वारंवार बैठका घेऊन पर्यटकांसाठी नियमावली तयारी करण्याच्या सूचना जिल्हाधिकाऱ्यांनी दिल्या होत्या. त्यानंतर वन विभागाकडून हालचाली सुरू झाल्या.
सलग सुट्ट्यांमुळे लोणावळ्यात पर्यटकांची प्रचंड गर्दी, एक्सप्रेस वेवर मोठी वाहतूक कोंडी, वाहनांच्या 10 KM पर्यंत रांगा
पुणे जिल्ह्यात सध्या सिंहगड किल्ला आणि अंधारबन या दोन ठिकाणी पर्यटनासाठी जाण्यास ऑनलाइन बुकिंग आवश्यक करण्यात आले आहे. त्यासाठी वन विभागाने ऑनलाइन पोर्टल विकसित केले आहे. जिल्ह्यातील पर्यटनस्थळांची पार्किंग क्षमता, एका वेळी किती पर्यटक येऊ शकतील, या माहितीच्या अनुषंगाने ऑनलाइन बुकिंगसाठी नियोजन करण्यात आले आहे. साधारणत: प्रत्येक पर्यटकाला दोन ते तीन तासांसाठी प्रवेश देण्याचे नियोजन करण्यात येणार आहे. अनेक पर्यटन ठिकाणी ‘इन अँड ऑउट’ सुविधा विकसित करावी लागणार आहे. पर्यटनस्थळाच्या क्षमतेनुसार, किती वाहने किंवा पर्यटकांना परवानगी दिली आहे, याची चाचपणी सध्या केली जाणार आहे.
नाशिकमधून अंगावरच्या कपड्यांसह मुलगा घरातून निघाला; 15 महिन्यांनी सुरतमध्ये सापडला, इतके दिवस कुठे होता? प्रकरण काय?
सध्या पर्यटकांना ऑनलाइन बुकिंग करणे फारसे रुचणार नाही. मात्र, ही पद्धत अंमलात आणावी लागणार आहे. सध्या वन विभागाकडून शुल्क आकारले जाते. ऑनलाइन बुकिंगमुळे कोणत्या पर्यटनाच्या ठिकाणी गर्दी आहे किंवा नाही, याची माहिती नागरिकांना समजणार आहे. त्यामुळे पर्यटनस्थळी वाढत्या गर्दीवर नियंत्रण ठेवणे शक्य होईल, असा विश्वास जिल्हा प्रशासनाने व्यक्त केला आहे.
Kathua Cloudburst : जम्मू-काश्मीरमध्ये पुन्हा एकदा ढगफूटी, कठुआमध्ये ७ जणांचा मृत्यू, अनेक जखमी, घरं-वाहनं ढिगाऱ्याखाली

या पर्यटन स्थळांसाठी ऑनलाईन बुकिंग?

तोरणा, कामशेत, शिवनेरी किल्ला, मढे घाट, टायगर – लायन पॉइंट, बनेश्वर – नसरापूर, सिंहगड, अंधारबन, तिकोना, कदबानवाडी गवताळ प्रदेश, शिर्सुफळ गवताळ प्रदेश, भिगवण पक्षी अभयारण्य, ताम्हिणी – मिल्कीबार धबधबा, नाणेघाट, भुशी डॅम, कन्हेरी, कार्ला लेणी – एकवीरा देवी, भाजे लेणी, हरिश्चंद्र गड-ओतूर, कोरीगड.

सिंगल विंडोवरून बुकिंग

वन विभागाकडून ऑनलाइन बुकिंगसाठी पोर्टल विकसित करण्यात आले. त्यावरून सध्या सिंहगड, अंधारबन ही ठिकाणे सुरू करण्यात आली. त्यापाठोपाठ आणखी २० ठिकाणी पर्यटन ठिकाणांसाठी बुकिंगची सुविधा सुरू केली जाईल. टप्प्याटप्प्याने ऑनलाइन बुकिंगचा प्रायोगिक प्रकल्प सुरू करण्यात आला आहे. हा प्रयोग यशस्वी झाल्यानंतर त्यातील अडचणी दूर करणे शक्य होईल; तसेच नव्या ठिकाणांचा समावेश शक्य होईल, अशीही माहिती जिल्हा प्रशासनातील सूत्रांनी दिली.