काही वर्षांपूर्वी चाळीस वर्षांच्या व्यक्तीने कौटुंबिक कलहातून पहिल्या पत्नीपासून विभक्त राहण्यास सुरुवात केली होती. संबंधित महिलाही माहेरी निघून गेली. त्यानंतर व्यक्तीने दुसऱ्या महिलेसोबत विवाह करून संसार थाटला. तेव्हापासून पहिल्या पत्नीचा मुलगा व्यक्तीसोबत वास्तव्यास होता. मात्र, त्याच्या सावत्र आईने त्याचा छळ सुरू केला. पंधरा वर्षांच्या शालेय मुलाचे हट्ट पूर्ण होत नव्हते. त्याला वही, पुस्तके, कपडे, शालेय शुल्क मिळत नव्हते. याला त्रासलेल्या मुलाने दीड वर्षापूर्वी घरातून पलायन केले. काही तास त्याचा शोध घेतल्यानंतर सावत्र आईने आडगाव पोलिस ठाण्यात तक्रार दिली. त्यानुसार अल्पवयीन मुलाच्या अपहरणाचा अज्ञाताविरुद्ध गुन्हा नोंद झाला.
Chhatrapati Sambhajinagar : मध्यरात्री अंथरुणात साप शिरला, सर्पदंशाने १३ वर्षीय मुलीचा मृत्यू; कुटुंबावर दु:खाचा डोंगर
दरम्यान, पोलीस आयुक्त संदीप कर्णिक यांच्या आदेशानुसार, गुन्हे उपायुक्त किरणकुमार चव्हाण व सहायक आयुक्त संदीप मिटके यांनी शहर मध्यवर्ती गुन्हे शाखेकडील अनैतिक मानवी वाहतूक प्रतिबंधक कक्षाला बेपत्ता मुलगा शोधण्याची सूचना केली. वरिष्ठ पोलिस निरीक्षक डॉ. अंचल मुदगल यांच्या पथकाचे सहाय्यक निरीक्षक प्रवीण माळी, विश्वास चव्हाण यांनी तांत्रिक विश्लेषण सुरू केले.

बेपत्ता मुलाचा मोबाइल क्रमांक व इन्स्टाग्राम खाते तपासण्यात आले. तेव्हा संबंधित मुलगा सुरतमध्ये असल्याचे समजले. पोलिसांनी सुरत गाठून त्याचे समुपदेशन करीत ताब्यात घेतले. तेव्हा संबंधित मुलगा मोलमजुरी करून उदरनिर्वाह करीत असल्याचे समोर आले.
Nashik Crime: ‘रील्स’वरून विद्यार्थ्यांत टोळीयुद्ध, दोघे गंभीर जखमी, सात संशयितांविरूद्ध गुन्हा

दोन वर्षांपूर्वी असा झाला पसार

पंधरा वर्षीय मुलगा केवळ अंगावरच्या कपड्यांसह घरातून निघून गेला. आडगावमधून निघाल्यावर त्याने ओझर गाठले. त्या भागातील काही ढाबे व हॉटेलांत चार महिने काम केले. तेथील पैशांद्वारे तो सुरतमध्ये पोहोचला. तेथे पुन्हा मजुरी व हॉटेलांत काम करून मिळणाऱ्या पैशांतून नवा मोबाइल खरेदी केला. त्यानंतर पूर्वीचे इन्स्टाग्राम खाते सुरू केले. मुलाचे वय आता सतरा वर्षे आहे. तो पुन्हा सापडल्यानंतर सख्ख्या आईला अश्रू अनावर झाले होते.