काय आहे नेमकं प्रकरण?
जगन्नाथ जयाजी शेळके यांची पळशी शिवारात गट न.३६२ मध्ये शेती आहे. या शेतात जाण्यासाठी असलेला रस्ता आजूबाजूच्या शेतकऱ्यांनी बंद केला. जगन्नाथ यांची ४ एकर शेती ६ महिन्यापासून पडीक पडली आहे. यामुळे शेतीवर अवलंबून असलेल्या जगन्नाथ यांची आर्थिक परिस्थिती नाजूक झाली आहे.शेतात जाण्यासाठी रस्ता मिळावा या मागणीसाठी जगन्नाथ शेळके यांनी तहसील कार्यालयात तक्रार केली.
Chhatrapati Sambhajinagar: मराठवाड्यात पावसाचा कहर; भिंत कोसळून पती-पत्नीचा मृत्यू, स्कूलबससोबत चालकही वाहून गेला
दरम्यान, १४ ऑगस्ट रोजी सायंकाळी ६ वाजता जगन्नाथ शेळके यांच्या मोबाईल क्रमांकारावर कॉल आला. हॅलो मी महसूलमंत्री चंद्रशेखर बावनकुळे यांचा स्वीय सहाय्यक सुरज निकम मुंबई येथून बोलत आहे. आपल रस्त्याचं प्रकरण सुरू आहे ते बावनकुळे साहेबांपर्यंत पोहचलं आहे.तुमची अडचण आम्ही सोडवू देण्यासाठी तुम्हाला कॉल केला आहे, असं सांगून शेळके यांना त्याच्या प्रकरणाची माहिती दिली. तुम्हाला शेताचा रस्ता मोकळा करून द्यायच असेल तर तुम्हाला पोलीस प्रोटेक्शन लागेल. त्यासाठी तुम्हाला चलन भरावे लागेल ज्याची पावती तुम्हाला मिळेल अस सांगून स्कॅनर वरून ३००० रुपये घेतले. त्यानंतर १६ ऑगस्ट रोजी सायंकाळी कॉल करून शेळके तुमच प्रकरण संबंधित तहसीलदारांना सांगितले आहे.
Chhatrapati Sambhajinagar : मध्यरात्री अंथरुणात साप शिरला, सर्पदंशाने १३ वर्षीय मुलीचा मृत्यू; कुटुंबावर दु:खाचा डोंगर
बोलणं झालं आहे. सगळं सेट करून ठेवलं आहे. मात्र रस्त्यात मुरूम टाकण्यासाठी तुम्हाला आणखी ४००० रुपये द्यावे लागेल अस सांगितले. यावेळी शेळके यांना व्यक्तीच्या विश्वासार्हतेवर प्रश्नचिन्ह निर्माण झाले. नंतर शेळके यांनी गुगलवरून चंद्रशेखर बावनकुळे यांचा नंबर मिळवला. बावनकुळे यांच्या मोबाईल क्रमांकावर कॉल केल्यानंतर त्यांचे स्वीय सहाय्यक विशाल भुते यांनी कॉल घेतला. शेळके यांनी संपूर्ण प्रकरण सांगितल्यानंतर कॉल करणारा व्यक्ती हा फ्रॉड असल्याचं विशाल भुते यांनी शेळके यांना सांगितलं. त्यानंतर शेळके यांनी पुंडलिक नगर पोलीस ठाणे गाठून याप्रकरणी तक्रार दिली आहे.