मंगेश विलास पंडित, वय १९ रा. बेगमपुरा असं आरोपी प्रियकराचं नाव आहे. याप्रकरणी ५८ वर्षीय महिलेने दिलेल्या फिर्यादीनुसार, मुलगी आणि एका मुलासह महिला हडको परिसरात राहते. त्या नुकत्याच आरोग्य विभागातून सेवानिवृत्त झाल्या आहेत. दरम्यान 9 ऑगस्ट रोजी रक्षाबंधन असल्याने मुलाने आईकडे सोन्याच्या अंगठीची मागणी केली. रक्षाबंधन असल्याने महिलेने कपाट उघडलं असता डब्यात ठेवलेलं सोन आढळून आलं नाही. त्यासोबत ठेवलेली एक लाख 55 हजार रुपयांची रक्कम देखील लंपास होती. हा संपूर्ण प्रकार बघून महिलेला धक्का बसला.
संदिपान भुमरेंच्या कार्यालयासमोर इनोव्हा गाडीने वृद्ध महिलेला उडवले, गाडीवर शिवसेनेचा लोगो; चालक फरार
आईने मुलाला विचारला असता मुलाने माहित नसल्याच सांगितलं. आईने मुलीला विचारलं तर मुलीने सुरुवातीला उडवा-उडवीची उत्तरं दिली. मात्र आईला मुलीच्या बोलण्यात गोंधळ आढळला. त्यांनी मुलीला विश्वासात घेऊन विचारपूस केली असता मुलीने सोनं घेतल्याची कबुली दिली. याप्रकरणी दोघांविरुद्ध बेगमपुरा पोलीस ठाण्यात गुन्हा दाखल करण्यात आला आहे.
Chhatrapati Sambhajinagar: माझ्यामुळे झालेल्या त्रासाबद्दल सॉरी; माजी नगरसेवकाच्या लेकाचा टोकाचा निर्णय, आईला केलेला अखेरचा फोन

बकेटला दोरी बांधून सोनं, पैसे प्रियकरायला दिले

मंगेशने प्रेयसीकडे पैशाची मागणी केल्यानंतर तिने घरातील दागिने आणि पैसे रुमालात बांधले. त्यानंतर रात्रीच्या वेळी बादलीमध्ये पैसे आणि सोनं ठेवून बादलीला दोरी बांधली. प्रियकर मंगेशला घराखाली बोलावून बादली खाली सोडून सगळं सोनं देऊन टाकलं.

पोलिसांनी खाक्या दाखवताच प्रियकराने तोंड उघडलं

गुन्हा दाखल झाल्यानंतर पोलीस निरीक्षक मंगेश जगताप, पोलीस उपनिरीक्षक सचिन देशमुख यांनी तात्काळ आरोपी प्रियकर मंगेश याला ताब्यात घेतलं. सुरुवातीला उडवा-उडवीची उत्तरं देणाऱ्या मंगेशला पोलिसांनी पोलिस खाक्या दाखवताच त्याने कबुली दिली. मैत्रिणीने दिलेलं सगळं सोना विकून पैसे खाण्या-पिण्यात उडवल्याची कबुली त्याने पोलिसांना दिली आहे. मंगेशने सोनं नेमंक कुणाला विकलं? पैशांचं काय केलं याचा तपास बेगमपुरा पोलीस करत आहेत.