नायगाव परिसरात अवैध वेश्याव्यवसाय सुरू असल्याची माहिती मीरा-भाईंदर वसई विरार आयुक्तालयच्या अनैतिक मानवी तस्करी विरोधी पथकाला मिळाली होती. अनैतिक मानवी तस्करी विरोधी पथकाने एक्सोडस रोड इंडिया फाउंडेशन आणि हार्मोनि फाउंडेशन या दोन एनजीओच्या मदतीने पोलिसांनी नायगाव पूर्व परिसरात एका इमारतीवर 26 जुलै रोजी छापा टाकला. यावेळी त्याठिकाणी अवैध वेश्याव्यवसाय सुरू असल्याचे आढळून आले.
Kanpur Double Murder : मुलगी बनण्यासाठी मुंबईत सर्जरी, तृतीयपंथीयाचा तीन प्रियकरांनी जीव घेतला, मामेभाऊही जिवानिशी गेला
पोलिसांनी छापा टाकून त्या ठिकाणाहून एक बारा वर्षीय अल्पवयीन पीडित मुलगी आणि वीस वर्षीय मुलगी अशा दोन मुलींची सुटका केली आहे. या कारवाईत मोहम्मद खालिद बापरी, जुबेर शेख आणि शमीन सरदार या तीन बांगलादेशी नागरिक आरोपींना अटक केली. त्याचप्रमाणे आतापर्यंत एकूण दहा आरोपींना या प्रकरणात अटक करण्यात आली आहे.

बारा वर्षाची पीडित अल्पवयीन मुलगी मूळची बांगलादेश येथील रहिवासी आहे. शाळेत एका विषयात नापास झाल्यानंतर घरचे मारतील या भीतीने तिने घर सोडले. त्यानंतर एका ती एका महिलेसोबत कोलकाता येथे आली. त्यानंतर बनावट कागदपत्रे तयार करून गुजरात राज्यातील नडियाड येथे नेले. त्याठिकाणी एका वृद्ध व्यक्तीने या अल्पवयीन मुलीवर अत्याचार करून तिचे अश्लील फोटो काढले आणि तिला ब्लॅकमेल करण्यास सुरुवात केली. त्यानंतर या मुलीला वेशाव्यवसायात ढकलण्यात आले.

ही अल्पवयीन मुलगी मुंबईत आल्यानंतर मागील तीन महिन्यांच्या काळात अनेक ठिकाणी तिच्यावर दोनशेहून अधिक वेळा गंभीर स्वरूपाचे अत्याचार झाले. एनजीओने दिलेल्या माहितीत समोर आले आहे. अनैतिक मानवी तस्करी विरोधी पथक आणि एनजीओच्या मदतीने नायगाव येथे केलेल्या कारवाईत बारा वर्षाच्या पीडित मुलीची सुटका करण्यात आली. या मुलीला बालकल्याण समितीकडे सोपवण्यात आले असून सध्या या चिमुकल्या मुलीचे समुपदेशन करण्यात येत आहे.