मिळालेल्या प्राथमिक माहितीनुसार, 20 वर्षांची एक परप्रांतीय तरुणी रेल्वेने मुंबईवरुन हैदराबादकडे जाणार होती. परळी स्टेशनवर उतरुन ती एका हॉटेलमध्ये जेवत असताना परसरतील तृतीयपंथी पूजा गुट्टे नामक आरोपींची परप्रांतीय मुलीवर नजर पडली. आरोपी पूजा हिने त्या तरुणीशी संवाद साधत तिची गरज जाणून घेतली. मुलीला फुस लावत काम देण्याचे आश्वासन दिले. यानंतर आरोपी पूजा हिने तिचे साथीदार असणारे सतीश मुंडे आणि मोहसीन पठाण यांना बोलावून घेतले. यानंतर ते तिघे पीडित मुलीला मोटरसायकलवर बसून अस्वलंबा येथील भागवत कांदे याच्याकडे गेले.
Beed Accident : देवदर्शनाहून परतताना काळाची झडप, चालकाचं नियंत्रण सुटल्यानं कार पुलाला धडकली; एकाचा मृत्यू
त्या ठिकाणी या तिघांनी या परप्रांतीय तरुणीवर अत्याचार केला. ही घटना घडत असताना गावातील सुजाण नागरिकाने सतर्कता दाखवली त्याने तत्काळ पोलिस यंत्रणेतील टोल फ्री नंबर 112 ला कॉल करून घटनेची माहिती दिली, महितीची तत्काळ दखल घेत पोलिसांनी या प्रकरणात सतीश मुंडे, मोहसीन पठाण व भागवत कांदे यांना ताब्यात घेतले आहे. मात्र आरोपी पूजा गुट्टे या तृतीयपंथीचा परळी ग्रामीण पोलीस शोध घेत आहेत. या घडलेल्या घटनेची माहिती मिळताच परिसरात एकाच खळबळ उडाली आहे.
Pankaja Munde : बाबरी मुंडेंच्या पक्षप्रवेशावर पंकजा मुंडे पहिल्यांदाच बोलल्या, म्हणाल्या…
बीड जिल्हात गुन्हेगारीचे प्रमाण दिवसेंदिवस वाढत चालले आहे हे कमी होण्याचे नाव घेत नाही, अशा परिस्थितीत आता बाहेर राज्यातून आलेल्या नागरिकांच्या सुरक्षेचा प्रश्न देखील चव्हाट्यावर आला आहे. कायदा आणि सू व्यवस्थेचा धाक गुन्हेगार प्रवृत्तीच्या लोकांवर राहिला नसल्याचे देखील अश्याघटनेमुळे समोर दिसून येतं आहे .

पोलिस प्रशासन अशा लोकांवर कठोर कारवाई करणार का?

जिल्ह्याची होत चाललेली बदनामी थांबवण्यासाठी जिल्हा प्रशासन काय उपाय योजना करणार तसेच बीड जिल्ह्याचे पालकमंत्री महोदय या सर्व परिस्थितीला किती गंभीर्याने घेणार हे पाहणे आता महत्वाचे असणार आहे.