Aashapura Jewelers Robbery : मुख्यमंत्री देवेंद्र फडणवीस आणि उपमुख्यमंत्री अजित पवार यांच्या उपस्थितीत चंदननगर पोलिस ठाण्याच्या नव्या इमारतीचे उद्घाटन झाल्यानंतर काही तासांतच तीन चोरट्यांनी ‘आशापुरा ज्वेलर्स’मध्ये दरोडा घातला होता
सनी राजू खांडेकर, वय 24 वर्ष आणि अनिल परशुराम विसरे, वय 26 वर्ष, दोघेही रा. इंदिरानगर, गुलटेकडी; आणि गणेश दादा लगस, वय 37 वर्ष, रा. बिबवेवाडी, अशी अटक केलेल्या तिघा आरोपींची नावे आहेत.
मुख्यमंत्री देवेंद्र फडणवीस आणि उपमुख्यमंत्री अजित पवार यांच्या उपस्थितीत चंदननगर पोलिस ठाण्याच्या नव्या इमारतीचे उद्घाटन शुक्रवार आठ ऑगस्ट रोजी झाले होते. त्यानंतर काही तासांतच शनिवारी दुपारी एक वाजता तीन चोरट्यांनी ‘आशापुरा ज्वेलर्स’मध्ये घुसून, धारदार शस्त्रे आणि पिस्तूलसदृश वस्तूचा धाक दाखवून तीन ग्रॅम सोन्याचे दागिने हिसकावून नेले.
राजेंद्रसिंग देवडा यांच्या तक्रारीवरून चंदनगर पोलिस ठाण्यात जबरी चोरीचा गुन्हा दाखल झाला. गुन्हे शाखेच्या पथकाने आरोपींचे फोटो मिळवून त्यांचा ठावठिकाणा शोधला. गुलटेकडी परिसरातून तिघांना अटक करण्यात आली. चौकशीदरम्यान त्यांनी गुन्ह्याची कबुली दिली, असे पोलिसांनी सांगितले.
Beed नंतर अजितदादांचा Pune दौरा, पहाटेपासून कामाला सुरुवात; वाहतूक कोंडीच्या समस्येची माहिती घेतली
ही कारवाई उपायुक्त (गुन्हे) निखिल पिंगळे, सहायक पोलिस आयुक्त राजेंद्र मुळीक आणि वरिष्ठ पोलिस निरीक्षक अजय वाघमारे यांच्या मार्गदर्शनाखाली, सहायक पोलिस निरीक्षक अमर कदम, पोलिस उपनिरीक्षक वैभव मगदूम; तसेच कर्मचारी एकनाथ जोशी, संजय आढारी, नागेशसिंग कुंवर, विनोद महाजन, अमजद शेख, तुषार खराडे, किशोर दुशिंग यांच्या पथकाने केली.
Air India फ्लाईटमध्ये बिघाड, दोन तास हवेत घिरट्या, इमर्जन्सी लँडिंग करताना रनवेवर आधीच एक विमान! काँग्रेस नेत्याचा भीतीदायक अनुभव
मेशीत भरदिवसा चोरी; लाखोंचा ऐवज लंपास
दुसरीकडे, मेशी येथे भरदिवसा घराचे कुलूप तोडून तीन तोळे सोने व रोकड असा लाखो रुपयांचा ऐवज चोरट्यांनी लंपास केला. या घटनेमुळे परिसरात घबराटीचे वातावरण आहे.
Mumbai Crime : हरवलेलं प्रेम 24 तासात परत मिळवा, ब्रेकअप झालेल्या मुंबईकर तरुणीला गंडा, 13 तोळे सोन्याचे दागिने लुबाडले
सौंदाणे-देवळा रस्त्यावर मेशी शिवारात नामदेव वेडू शिरसाठ यांचे शेतात घर आहे. रविवारी सकाळी दहा वाजता शिरसाठ वाखारवाडी येथे कुटुंबासमवेत बहिणीकडे गेले होते. तेथून परतल्यानंतर त्यांना घरात चोरी झाल्याचे लक्षात आले. घरातील कपाटातील सामान अस्ताव्यस्त पडलेले होते. त्यातील दोन लाख वीस हजार रुपयांची रोकड व तीन तोळे सोने असा ऐवज चोरट्यांनी लंपास केला आहे. देवळा पोलिस ठाण्याशी संपर्क केल्यानंतर उपनिरीक्षक नंदा पाटील, उपनिरीक्षक मनोज कुवर व सहकाऱ्यांनी घटनेचा पंचनामा केला.
लेखकाबद्दलअनिश बेंद्रेअनिश सतीश बेंद्रे, महाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत आहेत. गेल्या तीन वर्षांपासून ते मटासोबत काम करत आहेत. राजकीय, गुन्हेगारी आणि मनोरंजन या विषयातील बातम्यांमध्ये त्यांचा विशेष हातखंडा आहे. ब्रेकिंग न्यूजसोबतच निवडणूक विषयक विश्लेषण करण्यात त्यांना अधिक रस आहे. त्यांनी झेविअर्स कॉलेजमधून मास कम्युनिकेशनचे पदव्युत्तर शिक्षण घेतले आहे. आतापर्यंत एबीपी माझा, टीव्ही9 मराठीसह पत्रकारिता क्षेत्रात 12 वर्षांहून अधिक काळचा अनुभव त्यांना आहे… आणखी वाचा