नेमकं काय घडलं?

लांजामध्ये राहणाऱ्या प्रथमेश मांडवकर याचे वडील लांज्यामधील बाजारात गेले होते. तर आई घरी होती. भाऊ पंकज (वय 31) हा येरवंडे येथे मजुरीसाठी गेला होता. भाऊ घरी आल्यानंतर हा संपूर्ण धक्कादायक प्रकार त्याच्या लक्षात आला. घरापासून जवळच असलेल्या गुरांच्या गोठ्यात प्रथमेशने आयुष्याची अखेर केली. याबाबतची माहिती त्याचा भाऊ पंकज परशूराम मांडवकर (वय 31) याने लांजा पोलिसांना दिली.
Buldhana News : घरातून निघाला, रेल्वे ट्रॅकवर आला; लोको पायलटला संशय, पण सगळं संपलेलं; बुलढाण्यात हळहळ

गुरांच्या गोठ्यात तरुणाने आयुष्याची अखेर केली

कणकवली शिंदेवाडी येथील प्रथमेश पर्शुराम मांडवकर (वय 28 वर्षे) याने जवळच असलेल्या असणाऱ्या गुरांच्या गोठ्यात लाकडी वाशाला दोरीने गळफास लावून आत्महत्या करत टोकाचं पाऊल उचललं. त्याने ही आत्महत्या का केली याची माहिती अद्याप मिळू शकलेली नाही. त्याच्या मागे आई, वडील आणि भाऊ असं कुटुंब आहे.
Nanded News : हॉटेलमध्ये गेले ते रुममधून बाहेरच आले नाहीत, शिक्षकाची लॉजमध्ये बॉडी; नांदेडमध्ये खळबळ

गवंडी काम करुन कुटुंबाचा उदरनिर्वाह करायचा

आत्महत्या केलेला प्रथमेश मांडवकर हा शांत स्वभावाचा होता. तो गवंडी काम करण्याचं काम करायचा. गवंडी काम करुन तो कुटुंबाचा उदरनिर्वाह करत होता. मात्र त्याच्या आत्महत्येचं नेमकं कारण अद्याप समजू शकलेलं नाही. या घटनेची नोंद लांजा पोलीस ठाण्यात करण्यात आली आहे. अधिक तपास लांजा पोलीस करत आहेत.

लांजा तालुक्यातील कणगवली शिंदेवाडी येथे ही घटना घडली आहे. या सगळ्या धक्कादायक प्रकाराने या मांडवकर कुटुंबावर दुःखाचा मोठा डोंगर कोसळला आहे. प्रथमेशाच्या धक्कादायक मृत्यूने परिसरात हळहळ व्यक्त केली जात आहे.