अजबराव पौळ हे आपल्या शेतातील सोयाबीन व इतर पिकांची रात्रीच्या सुमारास वन्यप्राणी नासाडी करतात यामुळे ते शेतातील पिकांची राखण करण्यासाठी शेतात गेलेले होते. पिकाची राखण करत असताना शेतातील आखाड्यावर असलेल्या बाजेवर रात्री झोपी गेले. काही वेळाने वन्य प्राण्यांनी त्यांच्यावर हल्ला केला. या हल्ल्यात व झोपेत असल्याने त्यांना प्रतिकार करता आला नाही. वन्य प्राण्यांच्या हल्ल्यात प्राण्यांनी त्यांचा डावा हात निकामी केला. यामध्ये अजबराव यांचा जागेवरच मृत्यू झाला. नेहमीप्रमाणे घरी येणारे अजबराव हे घरी न आल्याने कुटुंबाने त्यांना शेतात जाऊन बघितलं असता त्यांचा मृतदेह बाजेवर आढळून आला, तर हात देखील प्राण्यांनी खाल्ल्याचं दिसून आलं.

Satara Crime : दोन महिन्यापूर्वी ठरलेलं लग्न मोडलं, नवे पाहुणे बघायला येणार, त्याआधीच साताऱ्यात 25 वर्षीय जवानाने आयुष्य संपवलं
कुटुंबाने लागलीच या घटनेची माहिती ग्रामीण पोलीस स्टेशन हिंगोली येथे दिली. ग्रामीण पोलीस स्टेशनचे पोलीस निरीक्षक शामकुमार डोंगरे यांच्या पथकाने घटनास्थळी धाव घेतली. त्याचबरोबर वन विभागाच्या अधिकाऱ्यांनी देखील घटनास्थळी येऊन पाहणी केली पोलीस स्टेशनचे जमादार आकाश पंडितकर, शंकर इडोळे व वनपरिक्षेत्राधिकारी मीनाक्षी पवार, वनपरिक्षेत्र कर्मचारी सारंगधर शिंदे, कृष्णा चव्हाण आदींनी घटनास्थळी पाहणी केली होती.

Ratnagiri News : गुरांच्या गोठ्यात गेला तो परतलाच नाही, मोठ्या भावाने पाहिल्यानंतर एकच आक्रोश; रत्नागिरीत हळहळ
दरम्यान, घटनास्थळावर कोल्ह्याच्या पायाच्या खुणा आढळून आल्या. वनविभागाच्या पथकाने परिसरातील वन्य प्राण्यांच्या पायांचे ठशांचे फोटो काढून तपासणी केली. घटनेनंतर मयत अजबराव यांचा मृतदेह हिंगोलीच्या जिल्हा शासकीय रुग्णालयात उत्तरीय तपासणीसाठी नेण्यात आला होता. या घटनेनंतर पवन पौळ यांनी हिंगोली ग्रामीण पोलीस स्टेशनमध्ये अर्ज दाखल केला आहे. वन्य प्राण्याच्या खाल्ल्याने अजबराव यांचा मृत्यू झाला असल्याचं सांगण्यात आलं व मृत्यूची नोंद करण्यात आली आहे. या घटनेमुळे कलगाव परिसरात शोककळा पसरली आहे. या घटनेचा पुढील तपास ग्रामीण पोलीस स्टेशनचे जमादार आकाश पंडितकर हे करत आहेत.