काय आहे प्रकरण?

वरकुटे गावातील गणेश माने हे तीन वर्षांपूर्वी सैन्य दलात भरती झाले होते. दोन महिन्यांपूर्वी त्यांचे शेजारील गावातील मुलीशी लग्न ठरले होते. मात्र, अचानक लग्न मोडल्याने ते तणावात होते. पश्चिम बंगालमध्ये त्यांची पोस्टिंग होती. सेवेत रुजू होऊन पुन्हा ते सुट्टीवर गावी आले होते. त्यांना बघायला दुसरे पाहुणे येणार होते. मात्र, आदल्या दिवशी राहत्या घरात दुपारी ते गळफास घेतलेल्या अवस्थेत आढळून आले. त्यामुळे त्यांच्या कुटुंबीयांना मोठा धक्का बसला. वरकुटे गावात त्यांचा मित्र परिवार मोठा होता. सामाजिक, सांस्कृतिक आणि धार्मिक कार्यात त्यांचा हिरीरीने सहभाग असायचा. ऐन तारूण्यात त्यांनी आत्महत्या केल्याने परिसरावर शोककळा पसरली. मित्र परिवारावर दु:खाचा डोंगर कोसळला आहे. त्यांच्या पश्चात आई, वडील, चुलते, भाऊ, वहिनी, पुतणे, असा परिवार आहे.
Ratnagiri Crime : कोकणातील महिलेचा ओळखीतून घात? पोलिसांना मोठा क्लू मिळाला, श्वानपथकाने घराच्या मागे…
गणेश माने यांच्या आत्महत्येची खबर मिळताच सैन्य दलातील त्यांचे वरिष्ठ आणि सहकारी जवान अंत्यविधीसाठी आले होते. त्यांनी गणेश यांच्या मनमिळाऊ स्वभावाच्या आठवणी सांगितल्या. तसेच कामावर असताना ते तणावाखाली दिसत होते, अशी माहितीही त्यांनी दिली.
Crime News : नवरा आंघोळीला जाताच बायको प्रियकरासोबत पसार, 15 लाखांचे दागिनेही उडवले, हतबल पती म्हणतो, मी दोघांना…
नैराश्यातूनच त्यांनी आत्महत्येसारखं टोकाचं पाऊल उचललं असावं, असा पोलिसांचा अंदाज आहे. या घटनेची म्हसवड पोलीस ठाण्यात नोंद झाली असून सहाय्यक पोलीस निरीक्षक अक्षय सोनवणे हे अधिक तपास करत आहेत.

चौथ्या मजल्यावरून उडी

दुसरीकडे, कल्याणमधील रुग्णालयात उपचार घेत असलेल्या आईबरोबर थांबलेल्या तरुणाने रुग्णालयाच्या चौथ्या मजल्यावरील खिडकीतून उडी मारून आत्महत्या करण्याचा प्रयत्न केल्याची घटना गुरुवारी घडली. तरुण गंभीर जखमी झाला असून त्याला आईबरोबरच उपचारासाठी एम्स रुग्णालयात दाखल करण्यात आले आहे. रोहन आडे असे या तरुणाचे नाव आहे. रोहितची आई गेल्या काही दिवसांपासून एम्स रुग्णालयात उपचार घेत आहे.