चन्द्र शेखर दोंतुलु या तरुणाच्या मृतदेहावर अंतिम संस्कार करण्याऐवजी अंत्ययात्रेचे वाहन थेट पोलीस ठाण्यात आणल्याने पोलीसही काही वेळ घोंधळून गेले होते. पोलीस प्रशासनाने अशा नाजूक परिस्थितीत अतिशय संयम ठेवून मृतांच्या नातेवाईकांची समजूत घालत मृत्यूस कारणीभूत असलेल्यांवर कठोर कारवाई करणार असा शब्द दिला. संतप्त नातेवाईकांनी पोलिसांच्या आश्वासनानंतर रात्री 12 वाजण्याच्या सुमारास चन्द्रशेखर दोंतुलु याच्या मृतदेहाची अंत्ययात्रा पोलीस ठाण्याहुन स्मशानभूमीकडे घेऊन गेले.
Solapur Crime : दोन महिन्यापूर्वी विवाह, तरुणाने आयुष्य संपवलं, आत्तेभावाला लास्ट लोकेशन पाठवत म्हणाला, माझ्या मृत्यूला…
रविवारी दुपारी सुनील नगर परिसरात शॉक लागून चंद्रशेखर दोंतुलु व गंगाराम ताटी या दोन जणांचा मृत्यू झाला होता.एमआयडीसी पोलिसांनी पंचनामा करून नोंद घेतली होती. पोस्टमार्टम केल्यानंतर शासकीय रुग्णालय प्रशासनाने चंद्रशेखर दोंतुलु यांचा मृतदेह रविवारी सायंकाळी नातेवाईकांच्या ताब्यात दिला होता. मृत झालेल्या चंद्रशेखर दोंतलू याची अंत्ययात्रा घेऊन नातेवाइकांनी रविवारी रात्री आठच्या सुमारास थेट एमआयडीसी पोलिस ठाणे गाठले. चंद्रशेखर व गंगाधर ताटी यांच्या कुटुंबाला प्रत्येकी १० लाखाची भरपाई मिळावी, अशी त्यांची मागणी होती. अचानक अंत्ययात्रा पोलिस ठाण्यात आल्याने पोलिसही गोंधळून गेले. दरम्यान, रात्री साडेअकरा वाजता पोलिसांनी समजूत घातल्यानंतर अंत्ययात्रा स्मशानभूमीकडे नेली.
Pune News : पती शरीरसंबंध ठेवण्यास सक्षम नाही, पुण्यात विवाहितेचा आरोप, कोर्ट म्हणालं दोन महिन्यात सासरी जाऊन…

तृतीयपंथीयांची एमआयडीसी ठाण्यात गर्दी

अंत्ययात्रेसाठी शेकडो लोक जमले होते. त्यात तृतीयपंथीही सहभागी झाले होते. त्यांनी पुढाकार घेत मृतांना लहान लहान मुले आहेत. ते घरातील प्रमुख होते. यामुळे त्यांना मदत मिळणे गरजेचे आहे, अशी मागणी केली होती. एमआयडीसी पोलिसांनी रात्री उशिरापर्यंत मृतांच्या नातेवाईकांची समजूत घातली आणि कारवाईचे आश्वासन दिले.