उत्तर सोलापूर तालुक्यातील नान्नज येथे राहणाऱ्या अमर मुळेने आत्महत्या केल्याचं समोर आलं आहे. त्याने वांगी गायरान झुडपामध्ये आत्महत्या करत आपली जीवनयात्रा संपवली. आत्महत्या करण्यापूर्वी आत्याच्या मुलाच्या मोबाइलवर व्हिडीओ व आत्महत्या करत असल्याच्या ठिकाणाचे लोकेशन पाठवले. अमरच्या आत्महत्येने नान्नज परिसरात खळबळ उडाली आहे.

अमरचा दोनच महिन्यांपूर्वी विवाह

अमर मुळे हा वाहन चालवण्याच्या कामासोबत खासगी कंपनीत नोकरी करत होता. सहा जून रोजी पंढरपूर तालुक्यातील भंडीशेगाव गावातील विजय सुरवसे यांची कन्या ऋतुजा यांच्यासोबत त्याचा विवाह झाला होता. जेमतेम दोन महिन्यांतच अमरने आत्महत्या केल्याने खळबळ उडाली आहे.

व्हिडीओत आत्महत्येचे कारण सांगितलं

अमर मुळे या युवकाने आत्महत्या करण्याअगोदर स्वतःच्या मोबाइलमध्ये मी आत्महत्या करत आहे. पाच व्यक्तींच्या त्रासाला कंटाळून मी आपले जीवन संपवत आहे, असा व्हिडीओ बनवून आत्याचा मुलगा आदेश यांच्या मोबाइलवर व्हिडीओ व आत्महत्या करत असल्याच्या ठिकाणाचे लोकेशन पाठवले आहे.
Vasai Crime : वसईत 15 दिवसात तीन उच्चशिक्षित तरुणांनी आयुष्य संपवलं, तिघांमध्ये समान धागा, 21 वर्षीय युवकाने तर मोबाईल…

नातेवाईकांनी गायरान झुडपात शोध घेतला

अमरने विनंती केली की, खंबीरपणे आमच्या कुटुंबाच्या पाठीमागे उभे राहा, माझ्या मोबाइलमध्ये फोटो व रेकॉर्डिंग आहे. त्याचा पासवर्डही सांगितला आहे. अमरचे वडील, चुलते, चुलतभाऊ व नातेवाइकांनी त्या ठिकाणावर रात्रभर शोधाशोध केली असता तो निदर्शनास आला नाही.

Mumbai News : काका, जिथे कुठे असाल… मुंबईतील रस्त्यावर 20 वर्षीय विद्यार्थ्याला भेटला दुचाकीस्वार देवदूत, पुढे जे घडलं…
रविवारी सकाळी पुन्हा त्या ठिकाणी शोधाशोध घेतली असता अमर याचा कडूलिंबाच्या झाडाला गळफास घेतलेल्या अवस्थेतील मृतदेह आढळला. या घटनेची माहिती वांगीचे पोलिस पाटील योगिता पवार यांनी तालुका पोलिसांना कळवली. अधिक तपास तालुका पोलीस करत आहेत.