विशेष म्हणजे, करोनाकाळानंतर केवळ दोन वर्षांत १३ शाळा बंद झाल्या असून, यातील अनेक शाळा शहरातील मध्यवर्ती भागात होत्या. टेंभी नाका येथील सर्वात जुनी शाळा ७आणि १७ क्रमांकाच्या मराठी शाळांमध्ये आता इंग्रजी माध्यमाचे वर्ग भरवले जात असल्याचे चित्र पाहायला मिळते आहे. महापालिकेच्या शिक्षण विभागाच्या आकडेवारीनुसार, २०१८-१९ मध्ये ठाणे शहरात १२१ प्राथमिक शाळा होत्या. मात्र २०२४-२५ या शैक्षणिक वर्षात ही संख्या केवळ १०३वर आली आहे. माध्यमिक शाळांची संख्या मात्र २२वर स्थिर आहे. मराठी शाळांचे कमी होष्णारे प्रमाण चिंताजनक आहे.
मुंबई पोलिसांची मोठी कामगिरी! पवईत तब्बल 44 कोटींचे MD हस्तगत, रंगांआड सुरु होती ड्रग्ज तस्करी
काही शाळांमध्ये विद्याथ्यांची संख्या इतकी कमी झाली की, त्या शाळा चालवणे आर्थिक दृष्टिकोनातून अशक्य झाले. मराठी शाळा वाचवण्यासाठी ठोस धोरणांची गरज व्यक्त केली जात आहे. तसेच महापालिकेने मराठी शाळांसाठी प्रचार व विद्यार्थ्यांना आकर्षित करण्यासाठी योजना आखाव्यात, अशी मागणी होऊ लागली आहे. मराठी शाळांचे अस्तित्व टिकवण्यासाठी आता फक्त आंदोलन नव्हे तर कृती हवी, अन्यथा काही वर्षांतच शहरातून मराठी प्राथमिक शिक्षण पूर्णपणे नाहीसे होण्याची शक्यता नाकारता येणार नाही. या प्रश्नी शिक्षण विभागाशी संपर्क साधला असता होऊ शकला नाही.
मोदकप्रेमींसाठी गोड बातमी, रेल्वेत मिळणार उकडीचे मोदक; गणेशोत्सवात कुठे मिळणार सुविधा?
वर्षनिहाय शाळांची संख्या
वर्ष -प्राथमिक -माध्यमिक
२०१८-१९ —१२१ —१३
२०१९-२० —११८ —२२
२०२०-२१ —११८ —२२
२०२१-२२ —११८ —२२
२०२२-२३ —११६ —२२
२०२३-२४ —१०९ —२२
२०२४-२५ —१०३ —२२