वसईत 16 जुलै रोजी 20 वर्षीय जोशवा आल्मेडा याने विरारच्या आगाशी येथील बोरधाटमधील राहत्या घरात गळफास घेऊन आत्महत्या केली. तो पालघरच्या सेट जॉन इंजिनीअरिंग कॉलेजमध्ये शिकत होता.

19 जुलै रोजी नायगावच्या किरवली येथे राहणार्‍या 30 वर्षीय लॉसन परेरा याने गळफास घेऊन आत्महत्या केली. तर 28 जुलै रोजी आगाशीच्या माडीभाट येथील 21 वर्षीय क्लेटस डिमोंटी याने आत्महत्या केली. तो वांद्रे येथील फादर ॲग्नेल तंत्रमहाविद्यालयात शिकत होता.

जोशवा आणि क्लेटस यांच्या आत्महत्याप्रकरणात अर्नाळा सागरी पोलिस ठाण्यात, तर लॉसन याच्या आत्महत्याप्रकरणात वसई पोलिस ठाण्यात अपमृत्यूची नोंद करण्यात आली आहे.
Mumbai Crime : 16 वर्षीय विद्यार्थ्याला ‘ती’ गोळी देऊन मुंबईतील हॉटेलात अत्याचार, चाळिशीतील शिक्षिकेची डॉक्टर मैत्रीण अटकेत

चिठ्ठी नसल्याने गूढ कायम

या तिघांनी आत्महत्या करण्यापूर्वी कुठलीही चिठ्ठी लिहिलेली नव्हती. क्लेटसने आत्महत्येपूर्वी मोबाइल फॉरमॅट केला होता, तर जोशवाचा मोबाइल लॉक होता. त्यामुळे आत्महत्येमागील गूढ वाढले आहे.

या दोन्ही आत्महत्यांचा परस्पर काही संबंध आहे का? त्याची सखोल चौकशी करण्याची मागणी स्थानिकांनी केली आहे. ‘ते तिघे एकमेकांच्या परिचयाचे आहेत का? किंवा त्यांनी ठरवून आत्महत्या केली का, त्याचा आम्ही तपास करत आहोत,’ असे पोलिसांनी सांगितले.

मावसभावाकडून लैंगिक अत्याचार

सीवूड्स भागात राहणाऱ्या एका 34 वर्षीय तरुणाने आपल्या मावस बहिणीला नशेचे पदार्थ खाण्यास देऊन बेशुद्धावस्थेत तिच्यावर लैंगिक अत्याचार केल्याचा धक्कादायक प्रकार उघडकीस आला आहे. या आरोपीने बहिणीचे अश्लील फोटो काढून त्याचा गैरवापर करून तिचे ठरलेले लग्नही मोडले. संबंधित तरुणीने एनआरआय पोलिस ठाण्यात तक्रार दाखल केल्यानंतर, पोलिसांनी आरोपीविरोधात बलात्कार, ब्लॅकमेलिंग व धमकी देण्याचा गुन्हा नोंदवून त्याचा शोध सुरु केला आहे.
Pune Crime : पुण्यात 23 वर्षीय आयटी इंजिनिअरने आयुष्य संपवलं, वेदनादायी अंत; शेवटच्या चिठ्ठीत म्हणाला माझ्या मृत्यूस…
या घटनेतील 27 वर्षीय पीडित तरुणी व तिचा मावस भाऊ हे दोघेही कोलकाता येथील असून सीवूड्स भागात कुटुंबासह राहण्यास होते. आरोपी तरुण मावस बहिणीवर एकतर्फी प्रेम करत होता. यातूनच त्याने हे कृत्य केले. या मानसिक त्रासाला कंटाळून पीडितेने अखेर पोलिसांकडे धाव घेतली.