कोकण विभागामध्ये अनेक केंद्रांवर दोन महिन्यांमध्ये पावसाची तूट दिसते. मुंबई शहर आणि उपनगर दोन्ही जिल्ह्यांमध्ये ही तूट आहे. कुलाबा येथे सरासरीपेक्षा ३०३.४ मिमी, तर सांताक्रूझ येथे ८२.८ मिमी तूट नोंदली गेली. अलिबाग, हर्णे, रत्नागिरी या केंद्रांवरही तूट नोंदली गेली आहे. कुलाबा येथे तर जुलैमध्ये केवळ ३८१ मिमी पाऊस पडला आहे.
मुंबई पोलिसांची मोठी कामगिरी! पवईत तब्बल 44 कोटींचे MD हस्तगत, रंगांआड सुरु होती ड्रग्ज तस्करी
मध्य महाराष्ट्र, मराठवाड्यात तुरळक ठिकाणी सरासरीहून अधिक पाऊस पडू शकेल, मात्र उर्वरित महाराष्ट्रात सरासरीहून मोठ्या फरकाने पाऊस कमी असण्याची शक्यता आहे. ऑगस्टमध्ये कोकण विभागात कमाल तापमानही सरासरीहून जास्त असेल, अशी शक्यता आहे. उत्तर महाराष्ट्र, मराठवाड्याच्या काही भागात सरासरीएवढा, तर विदर्भाच्या काही भागात सरासरीहून कमी तापमानाचा अंदाज आहे.
Maharashtra BJP: भाजपची मोर्चेबांधणी; स्थानिक निवडणुकांसाठी माजी खासदार, आमदारांची महत्त्वपूर्ण बैठक
उर्वरित हंगामात सरासरीहून जास्त
ऑगस्ट आणि सप्टेंबर या मान्सूनच्या उर्वरित हंगामात देशभरात सरासरीच्या १०६ टक्क्यांपेक्षा जास्त पावसाचा अंदाज भारतीय हवामानशास्त्र विभागाने (आयएमडी) वर्तवला आहे. ऑगस्ट महिन्यात राज्यात सरासरीपेक्षा कमी; तर देशभरात सर्वसाधारण पावसाची शक्यता असल्याचे आयएमडीने म्हटले आहे. मान्सूनचा अर्धा हंगाम संपला असताना उर्वरित हंगामातील हवामानाचा अंदाज आयएमडीतर्फे गुरुवारी जाहीर करण्यात आला.

जुलैमध्ये २८ दिवस कमी दाबाची क्षेत्रे सक्रिय
जुलै महिन्यात राज्यात सरासरीइतका पाऊस झाला असला तरी, मान्सून कोअर झोन म्हणून ओळखल्या जाणाऱ्या झारखंड, छत्तीसगड, मध्य प्रदेश आणि राजस्थान या राज्यांमध्ये सरासरीपेक्षा जास्त पावसाची नोंद झाली. जुलैमध्ये सहा कमी दाबाची क्षेत्रे तयार झाली. त्यांपैकी चार क्षेत्रांची तीव्रता डिप्रेशनपर्यंत वाढली. या महिन्यात तब्बल २८ दिवस कमी दाबाची क्षेत्रे सक्रिय राहिली. गेल्या नऊ वर्षांमध्ये या वर्षीच्या जुलै महिन्यात सर्वाधिक डिप्रेशन आणि कमी दाबाच्या क्षेत्रांचे दिवस नोंदले गेले.