पोलिस उपायुक्त दत्ता नलावडे यांनी दिलेल्या माहितीनुसार या मोहीमेची सुरुवात एप्रिल महिन्यात झाली. एप्रिल महिन्याच्या अखेरीस साकीनाका पोलिसांनी ५३ ग्रॅम एमडी ड्रग्जसह एकाला अटक केली होती. त्याच्या चौकशीमध्ये काही आरोपींची नावे समोर आली. त्यांची धरपकड केल्यानंतर वसईतील कामणगाव येथील ‘एम के ग्रीन’, ‘ए ए सी ब्लॉक’ कंपनीत एमडीच्या कारखान्याची माहिती पथकास प्राप्त झाली. पथकाने या कंपनीत छापा घातला. तेथे आठ कोटी रुपये मूल्य असलेले सुमारे साडेचार किलो एमडी आणि आवश्यक रसायने, यंत्रसामग्री जप्त करण्यात आली. त्यानंतर आणखी आरोपींना अटक केल्यानंतर कर्नाटक येथे छापा टाकून सुमारे चारशे कोटी रुपयांचे ड्रग्ज जप्त करण्यात आले.
खुशखबर! गणेशोत्सवासाठी आणखी ४६ स्पेशल ट्रेन्स, मध्य-कोकण रेल्वेची घोषणा, कसं असेल नियोजन?
पालघर आणि कर्नाटक येथे छापा टाकून विक्रेत्यांपासून उत्पादकांपर्यंत रॅकेट उघडकीस आरोपींच्या चौकशीमध्ये पालघर आणि कर्नाटक येथून आणलेले ड्रग्ज मुंबईत वितरित करण्यापूर्वी पवई येथील रंग बनविण्याच्या कारखान्यात ठेवले जात असल्याचे समजले. साकीनाका पोलिसांनी रंग बनविण्याच्या कारखान्यात छापा टाकला. रंगाच्या ड्रममध्ये लपवून ठेवलेले सुमारे ४४ कोटी रुपयांचे आणखी एमडी ड्रग्ज हस्तगत करण्यात आले. वेगवेगळ्या प्रकारचे सुमारे पाचशे किलो केमिकलही या कारवाईत पोलिसांच्या हाती लागले.
मुंबईतील शिक्षिकेचा क्रूरपणा; 8 वर्षीय मुलाच्या हातावर दिले मेणबत्तीने चटके, कारण ऐकून संतापाल
वेगवेगळ्या अमली
पदार्थांचा साठा
मुंबई पोलिसांकडील मे महिन्यापर्यंतची आकडेवारी पाहिल्यास सुमारे १५७ कोटी रुपयांचे वेगवेगळे ड्रग्ज हस्तगत केले आहेत. यामध्ये सर्वाधिक एमडी, त्यापाठोपाठ कोकेन, गांजा, चरस, हेरॉईन याचबरोबर नशेसाठी वापरण्यात येणाऱ्या सातशे लिटर कफ सिरपचा समावेश आहे. मे महिन्यापर्यंत ड्रग्ज तस्करी , विक्री आणि सेवनप्रकरणी ३७१२ आरोपींची धरपकड केली.
Mumbai News: कबुतरांना खायला घालणाऱ्यांवर गुन्हे दाखल करा; मुंबई हायकोर्टाचे महापालिकेला निर्देश
आत्तापर्यंत या प्रकरणात विक्रेत्यापासून उत्पादकापर्यंत आठ जणांची धरपकड करण्यात आली आहे. कर्नाटक, पालघर आणि आता पवई येथे जप्त करण्यात आलेले ड्रग्ज मुंबई आणि आजूबाजूच्या शहरांमध्ये वितरित केले जात होते. यामध्ये आणखी काही आरोपी असण्याची शक्यता असून त्यादृष्टीने तपास सुरू आहे. – दत्ता नलावडे, पोलिस उपायुक्त