Malegaon Bomb Blast Case Verdict Bombay High Court : अनेक कारणांमुळे प्रदीर्घ रखडपट्टी झालेल्या मालेगाव बॉम्बस्फोट प्रकरणाचा निकाल अखेर 17 वर्षांनी आज, गुरुवारी जाहीर झाला.
Malegaon Bomb Blast आरोपींचे वेगवेगळ्या कायदेशीर मुद्द्यांवर एकामागोमाग अर्ज, बॉम्बे हायकोर्ट ते सुप्रीम कोर्टातील अपिले, तपास संस्थांमधील बदल, खटल्याची सुनावणी करणाऱ्या न्यायाधीशांच्या बदल्या यासारख्या विविध कारणांमुळे दीर्घकाळ रखडपट्टी झालेल्या मालेगाव बॉम्बस्फोट प्रकरणाचा निकाल अखेर 17 वर्षांनी आज, गुरुवारी जाहीर झाला.
कोर्टाने काय निरीक्षण नोंदवलं?
लेफ्टनंट कर्नल प्रसाद पुरोहित याने काश्मीरमधून आरडीएक्स आणले आणि त्याने त्याच्या घरी बॉम्ब तयार केला, याचे कुठलेही पुरावे आढळले नाहीत. आरोपी साध्वी प्रज्ञासिंह ठाकुर हिच्याकडे त्या मोटारसायकलचा त्यावेळी ताबा होता, हे सरकारी पक्षाला सिद्ध करता आलेले नाही. तो बॉम्ब त्या मोटारसायकलमध्येच लावलेला होता, असेही निर्विवादपणे सिद्ध होऊ शकलेले नाही. याशिवाय Malegaon Bomb Blast घडवण्यासाठी बैठका झाल्या ते देखील सरकारी पक्षाला सिद्ध करता आलेले नाही, असे निरीक्षण कोर्टाने निकालात नोंदवले.
Pune Crime : कल्याणी समुहातील वरिष्ठ अकाऊण्टंटने चाकणच्या हॉटेलात दिलेला जीव, चिठ्ठीत अमित कल्याणींचं नाव, कोर्टाचे महत्त्वाचे आदेश
Eknath Shinde | उद्धव ठाकरे सगळ्यांनाच सल्ले देतात, एकनाथ शिंदेंचा ठाकरेंना टोला
कधी झाला होता बॉम्बस्फोट
29 सप्टेंबर 2008 रोजी रात्री 9 वाजून 35 मिनिटांनी रमझान महिन्यातच, मालेगावमधील मशिदीजवळ एलएमएल फ्रीडम मोटारसायकलमध्ये लावलेल्या बॉम्बचा भीषण स्फोट होऊन हाहाकार उडाला होता. या घटनेत सहा जणांचा मृत्यू झाला होता, तर 101 जण जखमी झाले होते.
Mumbai Crime : 16 वर्षीय विद्यार्थ्याला ‘ती’ गोळी देऊन मुंबईतील हॉटेलात अत्याचार, चाळिशीतील शिक्षिकेची डॉक्टर मैत्रीण अटकेत
2008 साली झालेल्या Malegaon Bomb Blast Case Verdict पार्श्वभूमीवर मालेगावात पोलिसांचा चोख बंदोबस्त करण्यात आला होता. बॉम्बस्फोट झालेल्या भिकू चौक येथे पोलिसांचा मोठा फौजफाटा आहे. निकालाकडे सर्व देशाचे लक्ष लागले असताना स्फोटामुळे हादरलेली दुकानं, त्यांच्या खुणा अजूनही तशाच असल्याचे चित्र आहे.
लेखकाबद्दलअनिश बेंद्रेअनिश सतीश बेंद्रे, महाराष्ट्र टाइम्स ऑनलाईनमध्ये सहाय्यक वृत्त संपादक पदावर कार्यरत आहेत. गेल्या तीन वर्षांपासून ते मटासोबत काम करत आहेत. राजकीय, गुन्हेगारी आणि मनोरंजन या विषयातील बातम्यांमध्ये त्यांचा विशेष हातखंडा आहे. ब्रेकिंग न्यूजसोबतच निवडणूक विषयक विश्लेषण करण्यात त्यांना अधिक रस आहे. त्यांनी झेविअर्स कॉलेजमधून मास कम्युनिकेशनचे पदव्युत्तर शिक्षण घेतले आहे. आतापर्यंत एबीपी माझा, टीव्ही9 मराठीसह पत्रकारिता क्षेत्रात 12 वर्षांहून अधिक काळचा अनुभव त्यांना आहे… आणखी वाचा