या प्रकरणात आरोपी असलेल्या 40 वर्षीय शिक्षिकेला याआधी अटक झाली होती, मात्र तिला जामीन मंजूर झाला आहे. पोलिसांनी सांगितले की, आरोपी शिक्षिका आणि डॉक्टर मैत्रिणी आहेत.

काय आहे प्रकरण?

16 वर्षीय विद्यार्थ्यावर लैंगिक अत्याचार केल्याच्या प्रकरणात शिक्षिकेला जून महिन्यातच बेड्या ठोकण्यात आल्या होत्या, परंतु गेल्या आठवड्यात तिला जामीन मिळाला. तर तिची डॉक्टर मैत्रीण मुंबईतून पळून गेली होती. पोलिसांनी तिला तिच्या गावी, पश्चिम बंगालमधील उत्तर 24 परगणा येथे शोधून काढले आणि 19 जुलै रोजी तिला अटक केली.

पोलिसांनी तिला न्यायालयात हजर केले आणि मुंबईला आणण्यासाठी परवानगी मागितली. तिने 23 ते 30 जुलै दरम्यान मुंबई पोलिसांना शरण यावे, असा सशर्त जामीन न्यायालयाने तिला दिला. त्यानुसार, ती मंगळवारी मुंबई पोलिसांना शरण आली. पोलिसांनी तिला अटक करुन न्यायालयात हजर केले.

सरकारी वकील सुरेता सिंग आणि तपास अधिकारी वरिष्ठ पोलीस निरीक्षक झरेकर यांनी न्यायालयाला सांगितले की, आरोपी डॉक्टरला पोलीस कोठडी द्यावी. मात्र न्यायालयाने डॉक्टरला न्यायालयीन कोठडीत ठेवण्याचे आदेश दिले.

तपासात असे समोर आले आहे की, शाळेतील उपक्रमांदरम्यान विद्यार्थ्याची शिक्षिकेशी ओळख झाली. हळूहळू तिने मुलाचा विश्वास संपादन केला. ती त्याला तिच्या कारमधून वेगवेगळ्या ठिकाणी, जसे की फाईव्ह स्टार हॉटेलमध्ये घेऊन जायची. तिथे ती मुलावर लैंगिक अत्याचार करत असल्याचा आरोप आहे.

या प्रकरणात, डॉक्टरने विद्यार्थ्याला जी गोळी दिली, ती अँक्झायटी कमी करणारी होती. त्यामुळे मुलाला प्रतिकार करणं कठीण गेलं असेल, असा अंदाज आहे.