किशोर छबूदास भेगडे (वय ५१) असे अटक केलेल्याचे नाव आहे. न्यायालयात हजर केले असता पाच दिवसांच्या पोलिस कोठडी सुनावण्यात आली. मुलाची आई श्वेता शिशिर शालिनी (वय ४५, रा. बाणेर रोड, पुणे) यांनी शिरगाव-परंदवाडी पोलिस ठाण्यात फिर्याद दिली आहे.
Pune News : पुण्यातील पार्टी प्रकरणात ‘ड्रग पेडलर’ सापडेना, आरोपींच्या मोबाइलमधून अनेक चॅट्स, पार्टीचे फोटो समोर; पोलिसांची माहिती

नेमकं काय घडलं?

वरिष्ठ पोलिस निरीक्षक विशाल पाटील यांनी दिलेल्या माहितीनुसार, फिर्यादी शालिनी यांची दोन मुले व त्यांच्या वर्गातील इतर मुले-मुली यांची लोढा बेलमाँदो सोसायटीतील क्लब हाउसमध्ये पार्टी होती. या पार्टीमध्ये किशोर भेगडे यांचा मुलगा आदित्य (वय १४) याला येण्यास नकार दिला. त्यावरून आदित्य याने हा प्रकार वडील किशोर भेगडे यांना सांगितला. संतापलेल्या भेगडे यांनी आपल्या मुलाला पार्टीत येण्यासाठी नकार देणाऱ्या दोन्ही मुलांना क्लब हाउसमधून बाहेर पडण्यास मज्जाव केला. जबरदस्तीने अडवून ठेवले. मारहाण केली. फिर्यादी यांचा मुलगा लक्ष याचा गळा आवळला. ‘मी कोण आहे, तुला माहिती नाही, तुझ्या बापाला बोलव, तुला आज जिवंत ठेवत नाही,’ अशी धमकी दिली.
Pune Crime : पुण्यात 100 स्पा सेंटरआडून देहविक्री; धनराज, प्रिया, अनुजच्या मुसक्या आवळणार, पोलीस आयुक्तांनी बक्षीस लावलं

मुलाला जीवे मारण्याचा प्रयत्न

लक्षच्या छाती, पोटावर बुक्क्यांनी बेदम आणि अमानुष मारहाण करून जीवे मारण्याचा प्रयत्न केला. या मारहाणीत लक्ष गंभीर जखमी झाला. त्याच्यावर खासगी रुग्णालयात उपचार सुरू आहेत.

भेगडेवर अनेक गुन्हे

किशोर भेगडे हा तळेगाव दाभाडे नगर परिषदेचा माजी उपनगराध्यक्ष आहे. त्याच्यावर खुनाचा प्रयत्न, गर्दी, मारामारी असे गंभीर स्वरूपाचे चार गुन्हे दाखल आहेत. आता अल्पवयीन मुलाला बेदम मारहाण केल्याप्रकरणी खुनाच्या प्रयत्नाचा गुन्हा दाखल करण्यात झाला आहे.