ठाकरे गटाचे माजी नेते सुनील बागूल, माजी महानगरप्रमुख मामा राजवाडे यांच्यासह त्यांच्या समर्थकांनी रविवारी महाजनांच्या प्रमुख उपस्थितीत भाजपमध्ये प्रवेश केला. गंगापूररोडवरील रावसाहेब थोरात सभागृहात हा प्रवेश सोहळा पार पडला. यावेळी चाळीसगावचे आमदार मंगेश चव्हाण, आमदार प्रा. देवयानी फरांदे, सीमा हिरे, राहुल ढिकले, भाजप शहराध्यक्ष सुनील केदार, जिल्हाध्यक्ष सुनील बच्छाव, माजी आमदार बाळासाहेब सानप, लक्ष्मण सावजी, माजी मंत्री बबनराव घोलप, भिकूबाई बागूल, सुधाकर बडगुजर आधी उपस्थित होते.
Girish Mahajan: जावयाला कुणी कडेवर उचलून नेऊन पार्टीत बसवलं का? गिरीश महाजनांचा खडसेंना टोला
महाजन म्हणाले, की देशात, राज्यात सर्वांचा ओघ भाजपकडे आहे. शिवसेना ठाकरे गटाने गितेंना महानगरप्रमुख केले आहे. तेही भाजपत आले असते, परंतु त्यांना घ्यायचे नाही, असे महाजन यांनी स्पष्ट केले. पक्षांतर्गत मतभेद बाजूला सारून महापालिका, जिल्हा परिषदेच्या निवडणुकांसाठी सज्ज व्हा. नाशिक महापालिकेत ११० जागा जिंकून राज्यात नवीन विक्रम प्रस्थापित करावा, असे आवाहन महाजन यांनी केले. शंभू बागूल, राजवाडे, भगवंत पाठक, गुलाब भोये, जगदीश अपसुंदे आदी ६० प्रमुख पदाधिकाऱ्यांनी भाजपमध्ये प्रवेश केला.
शहापूर हादरलं! आईला लेकी झाल्या नकोश्या, जेवायला दिलं अन्…, तीन सख्ख्या बहिणींसोबत काय घडलं?
‘मला एमपीएससी
झाल्यासारखे वाटतेय!’
भाजपमध्ये प्रवेश करणे सोपे राहिले नाही, असे बागुल यावेळी म्हणाले. पक्षप्रवेशासाठी महाजनांशी संपर्क साधला असता त्यांनी प्रथम पक्षाचे स्थानिक आमदार, पदाधिकारी व राष्ट्रीय स्वयंसेवक संघाचे ना हरकत प्रमाणपत्र आहे का, अशी विचारणा केली. मी परवानगी घेऊन आल्याचे सांगितल्यानंतर हा प्रवेश झाला. त्यामुळे मला ‘एमपीएससी’ची परीक्षा उत्तीर्ण झाल्यासारखे वाटत असल्याची भावना बागूल यांनी व्यक्त केली.
समृद्धी महामार्गावरील अपघात रोखणार ‘लूम ॲलर्ट’; नागपूर विद्यापीठाची अनोखी कल्पना, काय आहे इनोव्हेटिव्ह मॉडेल?
‘हा तुमचा शेवटचा पक्ष’
बागूल यांच्यासाठी भाजपचा पक्षप्रवेश हा शेवटचा असून, त्यांनी भविष्यात अन्य पर्यायांचा विचार करू नये, असा सूचक इशारा महाजन यांनी यावेळी दिला.