यात एका स्थानिक महिलेसह सहा आंतरराज्य महिलांची सुटका करण्यात आली. दोघांविरुद्ध गुन्हा दाखल करण्यात आला असून 95 हजार रुपयांचा मुद्देमाल जप्त करण्यात आला आहे.

गुप्त माहितीच्या आधारे पोलिसांची कारवाई

सागर गणेश साळुंखे वय 27 राहणार अण्णाभाऊ साठे नगर चिकलठाणा, राजेश भाऊसाहेब मगरे 26 राहणार देवगाव तांडा तालुका बदनापुर जिल्हा जालना असे अटक करण्यात आलेल्या आरोपींची नावे आहेत. याप्रकरणी पोलीस अधीक्षक कार्यालयातर्फे देण्यात आलेल्या माहितीनुसार, गुप्त बातमीदार तर्फे मिळालेल्या माहितीनुसार करमाड पोलीस ठाणे हटतीत हसनाबादवाडी येथे हॉटेलमध्ये वेश्याव्यवसाय सुरू असल्याची माहिती मिळाली. मिळालेल्या माहितीच्या आधारे पोलीस अधीक्षक विनयकुमार राठोड, उपविभागीय अधिकारी पूजा नागरे, सहाय्यक पोलीस निरीक्षक सरला गाडेकर, पोलीस उपनिरीक्षक विनोद भालेराव, प्रताप नवघरे, स्वप्निल नरवडे यांच्या पथकाने सापळा रचला.

डमी ग्राहक बनवून हॉटेलमध्ये पाठवलं अन् मग…

डमी ग्राहक बनवून दिनेश लॉजिंग अँड बोर्डिंग येथे पाठवला. ग्राहकाने मॅनेजर गणेश साळुंखे याला शरीर संबंधासाठी महिलेची मागणी केली यावेळी मॅनेजरने होकार देऊन पाचशे रुपये स्वीकारून पहिल्या मजल्यावर 105 खोली क्रमांक मध्ये पाठवलं. ग्राहक रूम मध्ये गेल्यानंतर महिला रूम मध्ये आली यावेळी गॅलरीत येऊन डमी ग्राहकाने पथकाला इशारा केला. इशारा मिळतच पथकाने हॉटेलवर छापा मारत 1 स्थानिक महिलेसह 6 परराज्यातील महिलांची सुटका केली. तर 95 हजार 850 किमतीचा मुद्देमाल जप्त केला. याप्रकरणी पोलिसांनी दोघांना अटक केली असेल करमाड पोलीस ठाण्यात गुन्हा दाखल करण्यात आला आहे.