एकनाथ शिंदेंच्या बंडानंतर शिवसेनेत फूट पडली. दोन्ही गटातील नेत्यांकडून एकमेकांवर आरोपास्त्र डागले जात आहेत. तसेच नेत्यांमध्येही एकमेकांबाबत राजकीय वैर आहे. यामुळे दोन्ही शिवसेना एकत्र येण्याची शक्यता मावळत असतानाच प्रताप सरनाईकांनी मोठं वक्तव्य केलं आहे. राज ठाकरे आणि उद्धव ठाकरे जसे एकत्र आले तसे उद्धव ठाकरे आणि एकनाथ शिंदेही एकत्र येऊ शकतात, असे सरनाईकांनी म्हटले आहे. यामुळे राजकीय वर्तुळाच्या भुवया उंचावल्या आहेत.
Uddhav Thackeray: राज ठाकरेंना फोन अन् मुंबई महानगरपालिकेचं गणित; दोन्ही बंधूंचं ठरलं? उद्धव ठाकरेंचं मोठं वक्तव्य
दरम्यान गेल्या काही दिवसांपासून आमदारांचे वादग्रस्त व्हिडीओ समोर आले असून अधिवेशनातही हे मुद्दे गाजले आहेत. यावर देखील प्रताप सरनाईक यांनी प्रतिक्रिया दिली आहे. आमच्या पक्षातील आमदारांकडून काही विधानं करण्यात आले, त्यामुळे एकनाथ शिंदे नाराज होते, शिंदेंनी आमदारांना सक्त सूचना देखील दिल्या आहेत. आमच्याच आमदारांच्या तक्रारी आहेत असं नाही, सगळ्याच पक्षातील आमदार बोलतात, असे सरनाईकांनी नमूद केले.

उद्धव ठाकरे यांनी शिवसेनेवर मोठा आरोप केला होता. जादूटोणा करून आमदार निवडून आले, असा दावा ठाकरेंन केली. यावर प्रतिक्रिया देताना सरनाईक म्हणाले, तुमचे आमदार निवडून आले हे काय जादूटोणा न करता आले? आणि आमचे जादूटोणा करून आले का? तुमचे लोकसभेला खासदार जादूटोणा करूनच निवडून आले होते का? असा सवाल सरनाईक यांनी यावेळी केला. एकनाथ शिंदे शिवसेनेचे ब्रँड आहेत. आमच्या पक्षाचा ब्रँड म्हणजे एकनाथ शिंदे, असंही यावेळी सरनाईक यांनी म्हटलं आहे.