जुने शहर पोलीस स्टेशनच्या हद्दीत एक धक्कादायक घटना घडली आहे. एका चौथीच्या विद्यार्थिनीचा विनयभंग तिच्या वर्गमित्राच्या वडिलांनी केला. पोलिसांनी तत्काळ कारवाई करत आरोपी सत्यपाल भीमराव सावध याला बालसंरक्षण कायद्यांतर्गत अटक केली आहे.

Akola Crime :अकोल्यात महिला न्यायाधीशाचा विनयभंग: वकील सौरभ तेलगोटेला अटकपीडित मुलगी शाळेत जात होती. ती तिच्या वर्गमित्राला बोलवण्यासाठी त्याच्या घरी गेली. मित्राची तयारी बाकी होती. त्यामुळे सत्यपालने मुलीला मुलाचा टाय बांधायला सांगितला. याच संधीचा फायदा घेत सत्यपालने तिच्या तोंडावरून हात फिरवला. तसेच, वाईट हेतूने तिला स्पर्श केला. मुलगी रडू लागली. त्याने तिला याबद्दल आईला न सांगण्याची धमकी दिली. कशीतरी तिने त्याच्या तावडीतून स्वतःची सुटका केली आणि ती तिथून पळाली.

घडलेला प्रकारानंतर, मुलगी थेट शाळेत गेली. पण ती शाळेच्या बाथरूमजवळ पायऱ्यांवर बसून रडत होती. तिच्या वर्गशिक्षिकेने तिला विश्वासात घेतले. तिने तिला रडण्याचे कारण विचारले. तेव्हा तिने घडलेला सर्व प्रकार शिक्षिकेला सांगितला.

Akola Crime: अकोल्यात नाशिकच्या चोरांचा धुमाकूळ!; जवान, पोलिसाच्या घरातही चोरी; काय घडलं बघा…शिक्षिकेने तातडीने या घटनेची माहिती मुलीच्या पालकांना दिली. पालकांनी तत्काळ शाळा गाठली. त्यांनी पोलिसात तक्रार दाखल केली. पोलिसांनी त्वरित दखल घेत आरोपी सत्यपाल सावध याच्या विरोधात गुन्हा नोंदवला आणि त्याला अटक केली. आरोपीवर पोक्सो अंतर्गत कारवाई करण्यात आली आहे.

आरोपी सत्यपाल सावध याने जे कृत्य केले, ते अत्यंत घृणास्पद आहे. “त्याने बालिकेच्या तोंडावर हात फिरवित अंगाला वाईट उद्देशाने स्पर्श केला,” असे तक्रारीत नमूद आहे. तसेच, “ती रडायला लागली असता आईला न सांगण्याविषयी बजावले,” असेही म्हटले आहे.

या घटनेमुळे परिसरात एकच खळबळ उडाली आहे. शाळेतील लहान मुलीसुद्धा आता सुरक्षित नाहीत, अशी भावना लोकांमध्ये निर्माण झाली आहे. पोलिसांनी आरोपीला अटक केली आहे. या प्रकरणाचा अधिक तपास करत आहेत.