Pune Crime: ओळखीचा गैरफायदा घेऊन जगताप व त्याच्या पत्नीने गेल्या वर्षी ऑगस्टमध्ये तक्रारदारांच्या पेढीतून आठ लाख २२ हजार रुपयांचे सोन्याचे दागिने उधारीवर घेतले आणि त्याचे पैसे थकवले.
त्यांच्याविरोधात भवानी पेठेत राहणाऱ्या सराफ व्यावसायिकाने तक्रार दिली आहे. त्यांची औंध परिसरात सराफी पेढी आहे. ओळखीचा गैरफायदा घेऊन जगताप व त्याच्या पत्नीने गेल्या वर्षी ऑगस्टमध्ये तक्रारदारांच्या पेढीतून आठ लाख २२ हजार रुपयांचे सोन्याचे दागिने उधारीवर घेतले आणि त्याचे पैसे थकवले. तक्रारदारांनी पैसे मागितल्यावर जगतापने टाळाटाळ केली. फसवणूक झाल्याने तक्रारदारांनी पोलिसांकडे धाव घेतली. 
शेतकरी कर्जमाफीचे आश्वासन पूर्ण करणार पण…; मुख्यमंत्री देवेंद्र फडणवीसांचं मोठं वक्तव्य
जगतापने यापूर्वीही भवानी पेठेतील एका सराफाची दागिने घेऊन फसवणूक केली होती. संबंधित सराफाने ही माहिती वरिष्ठ अधिकाऱ्यांना दिल्यानंतर जगतापला निलंबित करण्यात आले होते.
Pune Crime: इंजिनिअरिंगचा ‘टॉपर’ निघाला चोर; पुण्यात दागिने चोरुन कर्नाटकला पळालेला, ‘असा’ अडकला जाळ्यात
फसवणुकीचे आणखी गुन्हे
- गणेश जगतापने मुलीच्या वैद्यकीय शिक्षणासाठी गरज असल्याचे सांगून परिचयातील महिलेकडून ७३ तोळ्यांचे दागिने व १७ लाख रुपये रोख घेतले होते. मात्र, ते परत न केल्याने महिलेने कोथरूड पोलिस ठाण्यात तक्रार दिली. त्यावरूनही जगतापविरोधात गुन्हा दाखल झाला होता.
- शिस्तभंगाची कारवाई लपवण्यासाठी आयुक्तालयातील लिपिकाच्या संगनमताने सेवा पुस्तिकेतील एक पान फाडून त्याऐवजी दुसरे पान चिकटविल्याचा आरोपही जगतापवर आहे. या प्रकरणी बंडगार्डन पोलिस ठाण्यात जगताप आणि संबंधित लिपिकाविरुद्ध गुन्हा दाखल होता. या प्रकरणात जगतापला अटकही झाली होती.
लेखकाबद्दलकिशोरी तेलकर किशोरी तेलकर, महाराष्ट्र टाइम्स ऑनलाइनमध्ये कन्सल्टंट म्हणून कार्यरत असून पत्रकारितेमध्ये पदव्युत्तर शिक्षण पूर्ण केले आहे. ऑनलाइन माध्यमांमध्ये फ्रीलान्सिंगचा २ वर्षांचा अनुभव आहे आणि आता मटा ऑनलाइनमध्ये आहे. जनरल बातम्यासोबतच गुन्हेगारीविषयक बातम्यांमध्ये रस.… आणखी वाचा