मुख्यमंत्री देवेंद्र फडणवीस भाषणात म्हणाले की, ‘मुंबई उपनगरीय रेल्वेला एसी कोचेस बसवण्यासाठी रेल्वे मंत्र्‍यांनी सकारात्मकता दर्शवली आहे. लवकरच ते याबाबत अधिकृत घोषणा करणार आहेत.’ तर आणखी एक महत्वाची गोष्ट म्हणजे तिकीट दरातही वाढ होणार नसल्याचे मुख्यमंत्र्‍यांनी स्पष्ट केले.
Central Railway: ‘रिंग रेल्वे’चा प्रस्ताव यार्डात, गर्दी विभागण्याच्या उपायाबाबत मध्य रेल्वे अनुत्सुक
देवेंद्र फडणवीस म्हणाले, उपनगरीय रेल्वेला दरवाजे नसल्याने सातत्याने अपघात झालेले पाहतो. अतिशय वाईट परिस्थिती लोक प्रवास करतात. आज दोन क्लास आपण तयार केले आहेत. एकीकडे मेट्रो आहे, ती पूर्णपणे एसी आहे, जिचे दरवाजे बंद होतात, ज्याच्यामध्ये प्रवासाची इज आहे. दुसरीकडे उपनगरीय रेल्वे आहे, ज्याच्यात लोक अतिशय दाटीवाटीत प्रवास करतात. यातच दरवाजे नसल्याने अपघात होतात. म्हणून मोदीजी आणि रेल्वे मंत्र्यांकडे आम्ही अशी मागणी केली होती की, मेट्रोसारखे कोचेस उपनगरीय रेल्वेला दिले पाहिजेत. म्हणजे जेपूर्णपणे एसी असतील ज्याचे दरवाजे बंद होतील. यासोबतच कोचेस लावले तरी तिकिटात एक रुपयाची वाढ न करता हे कोचेस लागले पाहिजेत, अशीही मागणी केली.

फडणवीस पुढे म्हणाले, मला सांगताना आनंद होतोय की, रेल्वेमंत्री सांगितले आम्ही या संदर्भात सकारात्मक निर्णय घेत आहोत. लवकरच मुंबईला येऊन अधिकृत घोषणा करतील. त्यानंतर आपल्या उपनगरीय रेल्वेचे सर्व डबे मेट्रो सारखे एसी असतील. ते रेट्रो फिटींग नसतील, याठिकाणी चांगल्या पद्धतीचे डबे येतील. ज्यामध्ये दरवाजे असणार आहेत. तसेत कुठलीही तिकीटवाढ याच्यात केली जाणार नाही, असेही फडणवीसांनी नमूद केले.