नेवासा विधानसभा मतदारसंघाचे आमदार विठ्ठल लंघे यांनी शनि शिंगणापूर देवस्थान मधील गैरप्रकारांबाबत लक्षवेधीद्वारे प्रश्न उपस्थित केला होता. यापूर्वीही लंघे यांच्यासह चंद्रशेखर बावनकुळे यांनीही हाच प्रश्न उपस्थित केला होता. त्यानुसार चौकशी समिती नेमण्यात आली होती. या समितीने दिलेल्या अहवालानुसार, धार्मिक ठिकाणीही लोक किती भ्रष्टाचार करू शकतात, याचा भयानक नमुना पुढे आल्याचे फडणवीस यांनी उत्तरादरम्यान सांगितले. या देवस्थानचा कारभार पूर्वी २५८ कर्मचाऱ्यांच्या माध्यमातून चालवण्यात येत होता. तिथे आता २ हजार ४७४ कर्मचाऱ्यांची नियुक्ती केल्याचे भासवण्यात आले. स्थानिक कार्यकर्त्यांना बँक खाते उघडून त्यांच्या खात्यांवर देवस्थानच्या खात्यातून पगाराच्या रूपाने पैसे देण्यात आले. हे कर्मचारी कोठेही अस्तित्वात नसल्याचे फडणवीस यांनी सांगितले.
गिरणी कामगारांसाठी आनंदाची बातमी! मुंबई परिसरातच घरे देण्याचा उपमुख्यमंत्री शिंदेंच्या बैठकीत अखेर निर्णय
देवस्थानच्या रुग्णालयात ३२७ कर्मचारी कार्यरत असल्याचे दाखविण्यात आले असले तरी प्रत्यक्षात तिथे एकही रुग्ण नव्हता. येथे १५ खाटा, ८० वैद्यकीय आणि २४७ अकुशल कर्मचारी दाखविण्यात आले होते. प्रत्यक्षात येथे केवळ चार डॉक्टर आणि नऊ कर्मचारी उपस्थित होते. रुग्णालयाच्या आवारात कोणतीही मोठी बाग नसताना बागेच्या देखरेखीसाठी ८० कर्मचारी दर्शविण्यात आले. भक्तनिवासमध्ये १०९ खोल्या असून, त्यासाठी २०० कर्मचारी कार्यरत असल्याचे दाखविण्यात आले. तेथे चार ते दहा कर्मचारी असावेत, असे फडणवीस म्हणाले.

देणगीतही गोंधळ
देणगी स्वीकारण्यासाठी आठ आणि तेलाच्या विक्रीसाठी चार अशा बारा काऊंटरवर दोन कर्मचारी काम करताना चौकशी समितीला आढळले. मात्र, या ठिकाणी ३५२ कर्मचारी काम करत असल्याचे दर्शविण्यात आले होते. देवस्थानकडे १३ गाड्या असून त्यासाठी १६३ कर्मचारी नियुक्त केल्याचे दाखविले. प्रत्यक्षात १३ कर्मचारीच तिथे काम करतात. वृक्ष संवर्धन विभागात ८३, शेती विभागात ३५ एकर जमिनीसाठी ६५ कर्मचारी, पाणीपुरवठा विभागात ६५ कर्मचारी, गोशाळा विभागात ८२ कर्मचारी, त्यातील २६ कर्मचारी रात्री १पासून काम करतात, असे दर्शविण्यात आले. पार्किंगचा परिसर स्वच्छ करण्यासाठी ११८ कर्मचारी दाखवण्यात आले. या कर्मचाऱ्यांसाठी मस्टर तसेच हजेरीसाठी कुठलीही व्यवस्था नव्हती, असे फडणवीस यांनी सभागृहात सांगितले.
Ganeshotsav 2025: गणेशोत्सव महाराष्ट्र राज्याचा महोत्सव म्हणून घोषित; आशिष शेलार यांची विधानसभेत माहिती
विधी आणि न्याय विभागाकडून कारवाई
विधी आणि न्याय विभागाकडे चौकशी समितीचा अहवाल आला आहे. तसेच, धर्मादाय आयुक्तांसमोर देवस्थान समितीसंदर्भातील अंतिम सुनावणी सुरू आहे. धर्मादाय आयुक्त त्यांच्या नियमानुसार योग्य ती कारवाई करतील. परंतु, विधी आणि न्याय विभागाला फौजदारी गुन्हा दाखल करण्याचे आदेश दिले आहेत. तसेच, पोलिसांना बाहेरील पथक पाठवून चौकशी करण्याचे आदेश दिले आहेत. यापूर्वी आलेल्या तक्रारींनुसार विशेष ऑडिट करून धर्मादाय विभागाच्या एका अधिकाऱ्याने चौकशी करून क्लीनचिट दिली होती. त्यानंतर पुन्हा चौकशी केल्यावर हा प्रकार उघडकीस आला, असे फडणवीस म्हणाले.
World Population Day 2025: नाशिक ठरतोय तरुण जिल्हा; एकूण लोकसंख्येच्या ३९ टक्के लोकसंख्या चोविशीच्या आतील
सायबर पोलिसांकडून चौकशी
नकली ॲपद्वारे पूजेचे पैसे स्वीकारण्यात येत असल्याचा आरोप आमदार विठ्ठल लंघे यांनी केला होता. याप्रकरणी गुन्हा दाखल करून, सायबर पोलिस दलाच्या अतिरिक्त पोलिस महासंचालकांच्या देखरेखीखाली हा तपास करण्यात येणार आहे. विधानसभेने कायदा संमत करून शिर्डी, पंढरपूर देवस्थानप्रमाणे शनि शिंगणापूर येथेही समिती असावी, असे निश्चित केले आहे, असे फडणवीस यांनी सांगितले.

बागेच्या देखरेखीसाठी ८० जण !
देवस्थानच्या रुग्णालयात ३२७ कर्मचारी कार्यरत असल्याचे दाखविण्यात आले असले तरी प्रत्यक्षात तिथे एकही रुग्ण नव्हता. रुग्णालयात १५ खाटा, ८० वैद्यकीय आणि २४७ अकुशल कर्मचारी दाखविले होते. प्रत्यक्षात तिथे केवळ चार डॉक्टर आणि नऊ कर्मचारी होते. रुग्णालयाच्या आवारात मोठी बाग नसताना बागेच्या देखरेखीसाठी ८० कर्मचारी दाखवले. भक्तनिवा